3 ϩⲩⲗⲓⲁⲥ ⲇⲉ ⲁϥⲉⲣϩⲟⲧⲉ ⲁϥⲧⲱⲟⲩⲛ ⲁϥⲙⲟⲟϣⲉ ⲕⲁⲧⲁ ⲧⲉϥⲯⲩⲭⲏ ϣⲁⲛⲧϥⲉⲓ ⲉϩⲣⲁⲓ ⲉⲃⲉⲣⲥⲁⲃⲉ ⲛⲧⲉⲉⲓⲟⲩⲇⲁ ⲁϥⲕⲱ ⲙⲡⲉϥϣⲏⲣⲉ ϣⲏⲙ ϩⲙⲡⲙⲁⲉⲧⲙⲙⲁⲩ</ab>
4 ⲁϥⲉⲓ ⲁϥϩⲙⲟⲟⲥ ϩⲁⲟⲩϣⲏⲛ ⲉϣⲁⲩⲙⲟⲩⲧⲉ ⲉⲣⲟϥ ϫⲉ ϩⲣⲁⲧⲉⲛ ⲁⲩⲱ ⲁϥⲧⲉⲓⲉⲧⲣⲉ ⲡⲉϥⲯⲩⲭⲏ ⲙⲟⲩ ⲉϥϫⲱ ⲙⲙⲟⲥ ϫⲉ ϩⲱ ⲧⲉⲛⲟⲩ ϫⲓ ⲛⲧⲁⲯⲩⲭⲏ ⲛⲧⲟⲟⲧ ⲡϫⲟⲉⲓⲥ ϫⲉ ⲛⲉⲓⲥⲟⲧⲡ ⲁⲛ ⲁⲛⲟⲕ ⲉⲛⲁⲉⲓⲟⲧⲉ</ab>
5 ⲁⲩⲱ ⲁϥⲛⲕⲟⲧⲕ ⲁϥⲱⲃϣ ϩⲙⲡⲙⲁ ⲉⲧⲙⲙⲁⲩ ϩⲁⲡⲡϣⲏⲛ ⲁⲩⲱ ⲉⲓⲥ ⲟⲩⲁⲁϥ ϫⲱϩ ⲉⲣⲟϥ ⲉϥϫⲱ ⲙⲙⲟⲥ ⲛⲁϥ ϫⲉ ⲧⲱⲟⲩⲛ ⲛⲅⲟⲩⲱⲙ</ab>
6 ⲁϥⲕⲟⲧϥ ⲇⲉ ⲛϭⲓϩⲩⲗⲁⲥ ⲁⲩⲱ ⲉⲓⲥϩⲏⲏⲧⲉ ⲛϥⲕⲏ ⲉϩⲣⲁⲓ ϩⲁϫⲱϥ ⲛϭⲓⲟⲩⲟⲉⲓⲕ ⲙⲃⲱⲧⲉ ⲛⲁⲧⲑⲁϥ ⲙⲛⲟⲩⲕⲁⲯⲁⲕⲏⲥ ⲙⲙⲟⲟⲩ ⲁϥⲧⲱⲟⲩⲛ ⲇⲉ ⲁϥⲟⲩⲱⲙ ⲁⲩⲱ ⲁϥⲕⲟⲧϥ ⲟⲛ ⲁϥⲕⲟⲧⲕ</ab>
7 ⲡⲁⲅⲅⲉⲗⲟⲥ ⲇⲉ ⲙⲡϫⲟⲉⲓⲥ ⲁϥϫⲱϩ ⲉⲣⲟϥ ⲙⲡⲙⲉϩ ⲥⲟⲡ ⲥⲛⲁⲩ ⲉϥϫⲱ ⲙⲙⲟⲥ ϫⲉ ⲧⲱⲟⲩⲛ ⲛⲅⲟⲩⲱⲙ ϫⲉ ⲧⲉϩⲓⲏ ⲟⲩⲏⲩ ⲙⲙⲟⲕ</ab>
8 ⲁϥⲧⲱⲟⲩⲛ ⲇⲉ ⲁϥⲟⲩⲱⲙ ⲁⲩⲱ ⲁϥⲥⲱ ⲁϥⲙⲟⲟϣⲉ ϩⲛⲧϭⲟⲙ ⲛⲧⲉϩⲣⲉ ⲉⲧⲙⲙⲁⲩ ⲛϩⲙⲉ ⲛϩⲟⲟⲩ ⲙⲛ ϩⲙⲉ ⲛⲟⲩϣⲏ ϣⲁⲭⲱⲣⲏⲃ ⲡⲧⲟⲟⲩ ⲙⲡⲛⲟⲩⲧⲉ</ab>
9 ⲁϥⲉⲓ ⲁϥϩⲙⲟⲟⲥ ⲙⲡⲙⲁ ⲉⲧⲙⲙⲁⲩ ⲁϥϭⲱ ⲙⲡⲉⲥⲡⲏⲗⲩⲟⲛ ⲛϩⲏⲧϥ</ab>