6 ⲛⲉⲧⲭⲟⲣⲉⲩⲉ ⲇⲉ ⲁⲩⲉⲓ ⲉⲃⲟⲗ ϩⲏⲧϥ ⲛⲇⲁⲩⲉⲓⲇ ⲉⲃⲟⲗ ϩⲛ ⲛⲉⲡⲟⲗⲓⲥ ⲧⲏⲣⲟⲩ ⲙⲡ ⲙⲛ ⲛⲉⲩⲕⲟⲩⲕⲙ ⲁⲩⲱ ⲛⲉⲩⲕⲩⲙⲃⲁⲗⲟⲛ ϩⲛ ⲟⲩⲣⲁϣⲉ</ab>
7 ⲁⲩⲱ ⲛⲉⲩϩⲓⲟⲙⲉ ⲁⲩϩⲙⲟⲟⲥ ⲉⲩϩⲱⲥ ⲉⲩⲥⲱⲃⲉ ⲉⲩϫⲱ ⲙⲙⲟⲥ ϫⲉ ⲥⲁⲟⲩⲗ ⲁϥⲡⲁⲧⲁⲥⲥⲉ ϩⲛ ⲛⲉϥϣⲟ ⲇⲁⲩⲉⲓⲇ ϩⲱⲱϥ ϩⲛ ⲛⲉϥⲧⲃⲁ</ab>
8 ⲁⲩⲱ ⲡⲉⲓϣⲁϫⲉ ⲁϥϣⲱⲡⲉ ⲙⲡⲟⲛⲏⲣⲟⲛ ⲉⲙⲁⲧⲉ ⲛⲁϩⲣⲁϥ ⲛⲥⲁⲟⲩⲗ ⲉⲧⲃⲉ ⲡⲉⲓϣⲁϫⲉ ⲛⲧⲁⲩϫⲟⲟϥ ⲉⲩϫⲱ ⲙⲙⲟⲥ ϫⲉ ⲛⲉⲧⲃⲁ ⲁⲩⲧⲁⲁⲩ ⲛⲇⲁⲩⲉⲓⲇ ⲁⲛⲟⲕ ϩⲱ ⲁⲩϯⲛϣⲟ ⲛⲁⲓ</ab>
9 ⲥⲁⲟⲩⲗ ⲇⲉ ⲛⲉⲣⲉⲡⲉϥϩⲏⲧ ⲕⲟⲗϫ ⲉⲣⲟϥ ⲉⲇⲁⲩⲉⲓⲇ ⲛϫⲓⲛ ⲡⲉϩⲟⲟⲩ ⲉⲧⲙⲙⲁⲩ ϣⲁⲃⲟⲗ</ab>
10 ⲁⲥϣⲱⲡⲉ ⲇⲉ ⲙⲛⲛⲥⲁ ⲡⲉϩⲟⲟⲩ ⲉⲧⲙⲙⲁⲩ ⲁⲩ ⲙⲡⲟⲛⲏⲣⲟⲛ ⲉⲓ ⲉϫⲛ ⲥⲁⲟⲩⲗ ⲁϥⲡⲣⲟⲫⲏⲧⲉⲩⲉ ϩⲛ ⲧⲙⲏⲧⲉ ⲙⲡⲉϥⲏⲓ ⲕⲁⲧⲁ ⲑⲉ ⲟⲛ ⲙⲙⲏⲛⲉ ⲁⲩⲱ ⲧⲗⲟⲅⲭⲏ ⲛⲉⲥϩⲛⲧϭⲓϫ ⲛⲥⲁⲟⲩⲗ</ab>
11 ⲥⲁⲟⲩⲗ ⲇⲉ ⲁϥⲛⲁⲩ ⲉⲧⲗⲟⲅⲭⲏ ⲡⲉϫⲁϥ ϫⲉ ϯⲛⲁⲣⲁϩⲧⲇⲁⲩⲉⲓⲇ ϩⲛ ⲧⲁⲓ ⲛⲧⲉⲣⲉϥⲛⲟϫⲥ ⲇⲉ ⲉ ⲁϥⲡⲟϣⲥϥ ϩⲁ ⲡϩⲟ ⲛⲥⲁⲟⲩⲗ ⲁⲥⲧⲱⲝ ⲉⲧϫⲟ</ab>
12 ⲁⲩⲱ ⲥⲁⲟⲩⲗ ⲁϥⲣϩⲟⲧⲉ ϩⲁⲑⲏ ⲛⲇⲁⲩⲉⲓⲇ</ab>
13 ⲁϥⲧⲣⲉϥⲗⲟ ϩⲁ ⲡⲉϥϩⲟ ⲁϥⲕⲁⲑⲓⲥⲧⲁ ⲙⲙⲟϥ ⲛⲭⲓⲗⲓⲁⲣⲭⲟⲥ ⲛⲁϥ ⲁⲩⲱ ⲛⲉϥⲙⲟⲟϣⲉ ⲉⲃⲟⲗ ⲁⲩⲱ ⲛⲉϥⲛⲏⲩ ⲉϩⲟⲩⲛ ϩⲓⲑⲏ ⲙⲡⲗⲁⲟⲥ</ab>
14 ⲇⲁⲩⲉⲓⲇ ⲇⲉ ⲛⲉϥⲟ ⲛⲣⲙⲛϩⲏⲧ ϩⲛ ⲛⲉϥϩⲓⲟⲟⲩⲉ ⲧⲏⲣⲟⲩ ⲉⲣⲉⲡϫⲟⲉⲓⲥ ⲛⲙⲙⲁϥ</ab>
15 ⲁⲩⲱ ⲥⲁⲟⲩⲗ ⲁϥⲛⲁⲩ ϫⲉ ⲛⲧⲟϥ ⲇⲁⲩⲉⲓⲇ ϥⲟ ⲛⲣⲙⲛϩⲏⲧ ⲉⲙⲁⲧⲉ ⲁϥⲣϩⲟⲧⲉ ϩⲁ ⲧⲉϥϩⲏ</ab>
16 ⲡ ⲇⲉ ⲧⲏⲣϥ ⲙⲛ ⲓⲟⲩⲇⲁ ⲛⲉⲩⲙⲉ ⲛⲇⲁⲩⲉⲓⲇ ⲉⲃⲟⲗ ϫⲉ ⲛⲧⲟϥ ⲛⲉϥⲛⲏⲩ ⲉϩⲟⲩⲛ ⲁⲩⲱ ⲛⲉϥⲛⲏⲩ ⲉⲃⲟⲗ ϩⲓⲑⲏ ⲙⲡⲗⲁⲟⲥ</ab>
17 ⲡⲉϫⲉⲥⲁⲟⲩⲗ ⲉϩⲟⲩⲛ ϩⲛ ⲇⲁⲩⲉⲓⲇ ϫⲉ ⲉⲓⲥ ⲧⲁⲛⲟϭ ⲛϣⲉⲉⲣⲉ ⲙⲉⲣⲟⲃ ϯⲛⲁⲧⲁⲁⲥ ⲛⲁⲕ ⲛⲥϩⲓⲙⲉ ⲡⲗⲏⲛ ϣⲱⲡⲉ ⲛⲁⲓ ⲛⲟⲩϣⲏⲣⲉ ⲛⲇⲩⲛⲁⲧⲟⲥ ⲛⲅⲡⲟⲗⲉⲙⲉⲓ ⲙⲛ ⲛϫⲁϫⲉ ⲙⲡϫⲟⲉⲓⲥ ⲥⲁⲟⲩⲗ ⲇⲉ ⲁϥϫⲟⲟⲥ ϫⲉ ⲛⲛⲉⲧⲁϭⲓϫ ϣⲱⲡⲉ ϩⲓϫⲱϥ</ab>
18 ⲡⲉϫⲉⲇⲁⲩⲉⲓⲇ ϫⲉ ⲁⲛⲅ ⲛⲓⲙ ⲁⲛⲟⲕ ⲁⲩⲱ ⲟⲩ ⲛⲉ ⲛⲉⲥⲩⲅⲅⲉⲛⲓⲁ ⲙⲡⲁⲉⲓⲱⲧ ϩⲙ ⲡ ϫⲉ ⲉⲓⲉϩⲙⲟⲟⲥ ⲙⲛ ⲧϣⲉⲉⲣⲉ ⲙⲡⲣⲣⲟ</ab>
19 ⲁⲩⲱ ⲁⲥϣⲱⲡⲉ ϩⲙ ⲡⲉⲩⲟⲉⲓϣ ⲉⲧⲣⲉⲙⲉⲣⲱⲃ ⲧϣⲉⲉⲣⲉ ⲛⲥⲁⲟⲩⲗ ϩⲙⲟⲟⲥ ⲙⲛ ⲇⲁⲩⲉⲓⲇ ⲁⲩⲧⲁⲁⲥ ⲙⲙⲁⲭⲣⲓⲏⲗ ⲡϣⲏⲣⲉ ⲙⲙⲁⲟⲗⲗⲁⲓⲥ ⲉⲧⲣⲉⲥϣⲱⲡⲉ ⲛⲁϥ ⲛⲥϩⲓⲙⲉ</ab>
20 ⲁⲩⲱ ⲙⲉⲗⲭⲱⲗ ⲧϣⲉⲉⲣⲉ ⲛⲥⲁⲟⲩⲗ ⲁⲥⲙⲉⲣⲉ ⲇⲁⲩⲉⲓⲇ ⲁⲩⲧⲁⲙⲉⲥⲁⲟⲩⲗ ⲉⲡⲁⲓ ⲁⲩⲱ ⲡϩⲱⲃ ⲁϥⲣⲁⲛⲁϥ</ab>
21 ⲡⲉϫⲉⲥⲁⲟⲩⲗ ϫⲉ ϯⲛⲁⲧⲁⲁⲥ ⲛⲁϥ ⲛⲥϩⲓⲙⲉ ϫⲉ ⲉⲥⲉϣⲱⲡⲉ ⲛⲁϥ ⲛⲥⲕⲁⲛⲇⲁⲗⲟⲛ ⲁⲩⲱ ⲧϭⲓϫ ⲛⲛⲁⲗⲗⲟⲫⲩⲗⲟⲥ ⲛⲉⲥϣⲟⲟⲡ ⲉϫⲛ ⲥⲁⲟⲩⲗ</ab>
22 ⲥⲁⲟⲩⲗ ⲇⲉ ⲁϥϩⲱⲛ ⲉⲧⲟⲟⲧⲟⲩ ⲉⲛⲉϥϩⲙϩⲁⲗ ⲉϥϫⲱ ⲙⲙⲟⲥ ⲛⲁⲩ ϫⲉ ⲛⲧⲱⲧⲛ ϣⲁϫⲉ ⲛϩⲱⲡ ⲙⲛ ⲉⲧⲉⲧⲛϫⲱ ⲙⲙⲟⲥ ⲛⲁϥ ϫⲉ ⲉⲓⲥ ⲡⲣⲣⲟ ⲟⲩⲁϣⲕ ⲁⲩⲱ ⲛⲉϥⲕⲉϩⲙϩⲁⲗ ⲧⲏⲣⲟⲩ ⲥⲉⲙⲉ ⲙⲙⲟⲕ ⲛⲧⲟⲕ ϭⲉ ⲟⲩⲱϣ ⲉϩⲙⲟⲟⲥ ⲙⲛ ⲧϣⲉⲉⲣⲉ ⲙⲡⲣⲣⲟ</ab>
23 ⲁⲩⲱ ⲛϩⲙϩⲁⲗ ⲛⲥⲁⲟⲩⲗ ⲁⲩϣⲁϫⲉ ⲙⲛ ⲇⲁⲩⲉⲓⲇ ⲕⲁⲧⲁ ⲛⲉⲓϣⲁϫⲉ ⲡⲉϫⲉ ⲛⲁⲩ ϫⲉ ⲡϩⲱⲃ ⲟⲩⲗⲁⲁⲩ ϩⲏ ⲡⲉ ⲛⲁϩⲣⲏⲧⲛ ⲉⲧⲣⲁⲧⲱϩ ⲛⲧⲉⲓϩⲉ ⲙⲛ ⲡⲣⲣⲟ ⲁⲛⲟⲕ ⲇⲉ ⲁⲛⲅ ⲟⲩⲣⲱⲙⲉ ⲛϩⲏⲕⲉ ⲉⲓⲥⲏϣ ⲉⲛϯⲧⲁⲓⲏⲩ ⲁⲛ</ab>
24 ⲁⲩⲱ ⲛϩⲙϩⲁⲗ ⲛⲥⲁⲟⲩⲗ ⲁⲩⲧⲁⲙⲉⲥⲁⲟⲩⲗ ⲉⲛⲉⲓϣⲁϫⲉ ⲛⲧⲁⲇⲁⲩⲉⲓⲇ ϫⲟⲟⲩ</ab>
25 ⲡⲉϫⲉⲥⲁⲟⲩⲗ ⲛⲁⲩ ϫⲉ ⲛⲁⲓ ⲛⲉⲧⲉⲧⲛⲛⲁϫⲟⲟⲩ ⲉⲇⲁⲩⲉⲓⲇ ϫⲉ ⲛⲉⲣⲉⲡⲣⲣⲟ ⲟⲩⲉϣⲧⲣⲉⲡⲉⲓⲧⲱϣ ϣⲱⲡⲉ ⲁⲛ ϩⲛ ϩⲉⲛⲭⲣⲏⲙⲁ ⲁⲗⲗⲁ ϩⲛ ϣⲉ ⲙⲙⲛⲧⲁⲧⲥⲃⲃⲉ ⲛⲧⲉ ⲛⲁⲗⲗⲟⲫⲩⲗⲟⲥ ⲉϫⲓⲕⲃⲁ ⲛⲛⲉϫⲁϫⲉ ⲙⲡⲣⲣⲟ ⲥⲁⲟⲩⲗ ⲇⲉ ⲁϥⲙⲟⲕⲙⲉⲕ ⲉⲧⲁⲁϥ ⲉⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ</ab>
26 ⲁⲩⲱ ⲛϩⲙϩⲁⲗ ⲛⲥⲁⲟⲩⲗ ⲁⲩⲧⲁⲙⲉ ⲉⲛⲉⲓϣⲁϫⲉ ⲡϩⲱⲃ ⲇⲉ ⲁϥⲣⲁⲛⲁϥ ⲛⲇⲁⲩⲉⲓⲇ ⲉⲧⲣⲉϥⲧⲱϩ ⲙⲛ ⲡⲣⲣⲟ</ab>
27 ⲁⲩⲱ ⲇⲁⲩⲉⲓⲇ ⲁϥⲧⲱⲟⲩⲛ ⲁϥⲃⲱⲕ ⲙⲛ ⲛⲉϥⲣⲱⲙⲉ ⲁϥⲡⲁⲧⲁⲥⲥⲉ ⲛⲛⲁⲗⲗⲟⲫⲩⲗⲟⲥ ⲛϣⲉ ⲛⲣⲱⲙⲉ ⲁϥⲉⲓⲛⲉ ⲛⲛⲉⲩⲙⲛⲧⲁⲧⲥⲃⲃⲉ ⲉⲣⲁⲧϥ ⲙⲡⲣⲣⲟ ⲁϥⲧⲱϩ ⲇⲉ ⲙⲛ ⲡⲣⲣⲟ ⲁⲩⲱ ⲙⲉⲗⲭⲱⲗ ⲧⲉϥϣⲉⲉⲣⲉ ⲁϥⲧⲁⲁⲥ ⲛⲁϥ ⲛⲥϩⲓⲙⲉ</ab>
28 ⲥⲁⲟⲩⲗ ⲇⲉ ⲁϥⲛⲁⲩ ϫⲉ ⲡϫⲟⲉⲓⲥ ϣⲟⲟⲡ ⲙⲛ ⲁⲩⲱ ⲡ ⲧⲏⲣϥ ⲙⲉ ⲙⲙⲟϥ</ab>
29 ⲥⲁⲟⲩⲗ ⲇⲉ ⲁϥⲟⲩⲱϩ ⲉⲧⲟⲟⲧϥ ⲉⲣϩⲟⲧⲉ ⲛϩⲟⲩⲟ ϩⲏⲧϥ ⲛⲇⲁⲩⲉⲓⲇ</ab>
30 <gap reason=""/>