1 ⲛⲁⲗⲗⲟⲫⲩⲗⲟⲥ ⲇⲉ ⲁⲩⲡⲟⲗⲉⲙⲉⲓ ⲙⲛ ⲡ ⲁⲩⲱ ⲛⲣⲱⲙⲉ ⲙⲡ ⲁⲩϭⲱⲧⲡ ϩⲁ ⲡϩⲟ ⲛⲛⲁⲗⲗⲟⲫⲩⲗⲟⲥ ⲁⲩϩⲉ ⲉⲩϣⲟⲟϭⲉ ϩⲙ ⲡⲧⲟⲟⲩ ⲛⲅⲉⲗⲃⲟⲩⲉ</ab>
2 ⲁⲩⲱ ⲛⲁⲗⲗⲟⲫⲩⲗⲟⲥ ⲁⲩⲕⲱⲧⲉ ⲉⲥⲁⲟⲩⲗ ⲁⲩⲱ ⲉⲛⲉϥϣⲏⲣⲉ ⲁⲩⲱ ⲛⲁⲗⲗⲟⲫⲩⲗⲟⲥ ⲁⲩⲣⲱⲣϩⲧ ⲛⲓⲱⲛⲁⲑⲁⲛ ⲙⲛ ⲁⲙⲓⲛⲁⲇⲁⲃ ⲙⲛ ⲙⲉⲗⲭⲓⲥⲁ ⲛϣⲏⲣⲉ ⲛⲥⲁⲟⲩⲗ</ab>
3 ⲁⲩⲱ ⲡⲡⲟⲗⲉⲙⲟⲥ ⲁϥⲛϣⲟⲧ ⲉϫⲛ ⲥⲁⲟⲩⲗ ⲁⲩϩⲉ ⲉⲣⲟϥ ⲛϭⲓ ⲛⲉⲧⲛⲉϫⲥⲟⲧⲉ ⲁⲩⲛⲉϫⲥⲟⲧⲉ ⲉⲣⲟϥ ⲁⲩⲣⲁϩⲧϥ ⲉⲡⲥⲉⲗⲉⲡⲓⲛ ⲛϩⲏⲧϥ</ab>
4 ⲡⲉϫⲉⲥⲁⲟⲩⲗ ⲙⲡⲉⲧϥⲓ ⲛⲛⲉϥⲥⲕⲉⲩⲏ ϫⲉ ⲧⲱⲕⲙ ⲛⲧⲉⲕⲥⲏϥⲉ ⲛⲅⲕⲟⲟⲛⲥⲧ ⲛϩⲏⲧⲥ ⲙⲏⲡⲱⲥ ⲛⲥⲉⲉⲓ ⲛϭⲓ ⲛⲉⲓⲁⲧⲥⲃⲃⲉ ⲛⲥⲉⲙⲟⲟⲩⲧ ⲁⲩⲱ ⲛⲥⲉⲥⲱⲃⲉ ⲛⲥⲱⲓ ⲡⲉⲧϥⲓ ⲇⲉ ⲛⲛⲉϥⲥⲕⲉⲩⲏ ⲙⲡⲉϥⲟⲩⲱϣ ⲉⲙⲟⲟⲩⲧϥ ϫⲉ ⲁϥⲣϩⲟⲧⲉ ⲉⲙⲁⲧⲉ ⲁⲩⲱ ⲥⲁⲟⲩⲗ ⲁϥϫⲓ ⲛⲧⲉϥⲥⲏϥⲉ ⲁϥⲃⲟϭϥ ⲉϫⲱⲥ</ab>
5 ⲛⲧⲉⲣⲉϥⲛⲁⲩ ⲇⲉ ⲛϭⲓ ⲡⲉⲧϥⲓ ⲛⲛⲉϥⲥⲕⲉⲩⲏ ϫⲉ ⲁⲥⲁⲟⲩⲗ ⲙⲟⲩ ⲛⲧⲟϥ ϩⲱⲱϥ ⲁϥⲃⲟϫϥ ⲉϫⲛ ⲧⲉϥⲥⲏϥⲉ ⲁϥⲙⲟⲩ ⲛⲙⲙⲁϥ</ab>
6 ⲁⲩⲱ ⲥⲁⲟⲩⲗ ⲁϥⲙⲟⲩ ⲙⲛ ⲡⲉϥϣⲟⲙⲛⲧ ⲛϣⲏⲣⲉ ⲁⲩⲱ ⲡⲉⲧϥⲓ ⲛⲛⲉϥⲥⲕⲉⲩⲏ ⲁⲩⲱ ⲛⲕⲉⲣⲱⲙⲉ ⲧⲏⲣⲟⲩ ⲉⲧⲛⲙⲙⲁϥ ⲁⲩⲙⲟⲩ ⲙⲡⲉϩⲟⲟⲩ ⲉⲧⲙⲙⲁⲩ</ab>
7 ⲁⲩⲛⲁⲩ ⲇⲉ ⲛϭⲓ ⲛⲉⲣⲱⲙⲉ ⲙⲡ ⲛⲉⲧϩⲓⲡⲉⲕⲣⲟ ⲙⲡⲉⲓⲁ ⲁⲩⲱ ⲛⲉⲧϩⲓⲡⲉⲕⲣⲟ ⲙⲡⲓⲟⲣⲇⲁⲛⲏⲥ ϫⲉ ⲛⲣⲱⲙⲉ ⲙⲡ ⲁⲩϭⲱⲧⲡ ⲁⲩⲱ ϫⲉ ⲁϥⲙⲟⲩ ⲛϭⲓ ⲥⲁⲟⲩⲗ ⲙⲛ ⲛⲉϥϣⲏⲣⲉ ⲁⲩⲕⲁⲛⲉⲩⲡⲟⲗⲓⲥ ⲉⲃⲟⲗ ⲁⲩⲡⲱⲧ ϩⲱⲟⲩ ⲁⲩⲉⲓ ⲛϭⲓ ⲛⲁⲗⲗⲟⲫⲩⲗⲟⲥ ⲁⲩⲟⲩⲱϩ ⲛϩⲏⲧⲟⲩ</ab>
8 ⲁⲥϣⲱⲡⲉ ⲇⲉ ⲙⲡⲉϥⲣⲁⲥⲧⲉ ⲁⲩⲉⲓ ⲛϭⲓ ⲛⲁⲗⲗⲟⲫⲩⲗⲟⲥ ⲁⲩⲃⲱϣ ⲛⲛⲉⲧⲙⲟⲟⲩⲧ ⲁⲩϩⲉ ⲇⲉ ⲉⲥⲁⲟⲩⲗ ⲙⲛ ⲡⲉϥϣⲟⲙⲛⲧ ⲛϣⲏⲣⲉ ⲉⲩⲣⲁϩⲧ ϩⲙ ⲡⲧⲟⲟⲩ ⲛⲕⲉⲗⲃⲟⲩⲉ</ab>
9 ⲁⲩⲡⲟⲟⲛⲉϥ ⲁⲩⲃⲟϣϥ ⲛⲛⲉϥⲥⲕⲉⲩⲏ ⲁⲩϫⲟⲟⲩ ⲇⲉ ⲉⲃⲟⲗ ⲙⲡⲉⲩⲕⲱⲧⲉ ⲧⲏⲣϥ ⲙⲛ ⲡⲕⲁϩ ⲛⲛⲁⲗⲗⲟⲫⲩⲗⲟⲥ ⲉⲩⲧⲁϣⲉⲟⲉⲓϣ ⲛⲛⲉⲩⲉⲓⲇⲱⲗⲟⲛ ⲙⲛ ⲡⲉⲩⲙⲏⲏϣⲉ</ab>
10 ⲛⲉϥⲥⲕⲉⲩⲏ ⲇⲉ ⲁⲩⲕⲁⲁⲩ ϩⲙ ⲡⲉⲩⲙⲁ ⲛⲉⲓⲇⲱⲗⲟⲛ ⲁⲩⲱ ⲡⲉϥⲥⲱⲙⲁ ⲁⲩⲟⲃⲧϥ ⲉⲡⲥⲟⲃⲧ ⲛⲃⲁⲓⲑⲥⲁⲛ</ab>
11 ⲛⲉⲧⲟⲩⲏϩ ⲇⲉ ϩⲛ ⲓⲁⲃⲓⲥ ⲛⲧⲉ ⲅⲁⲗⲁⲁⲇⲓⲧⲓⲥ ⲁⲩⲥⲱⲧⲙ ⲉⲛⲉⲛⲧⲁⲛⲁⲗⲗⲟⲫⲩⲗⲟⲥ ⲁⲁⲩ ⲛⲥⲁⲟⲩⲗ</ab>
12 ⲁⲩⲧⲱⲟⲩⲛ ⲛϭⲓ ⲛⲣⲱⲙⲉ ⲧⲏⲣⲟⲩ ⲛϫⲱⲱⲣⲉ ⲁⲩⲙⲟⲟϣⲉ ⲛⲧⲉⲩϣⲏ ⲧⲏⲣⲥ ⲁⲩⲱ ⲁⲩϫⲓ ⲙⲡⲥⲱⲙⲁ ⲛⲥⲁⲟⲩⲗ ⲁⲩⲱ ⲡⲥⲱⲙⲁ ⲛⲓⲱⲛⲁⲑⲁⲛ ⲡⲉϥϣⲏⲣⲉ ⲉⲃⲟⲗ ϩⲙ ⲡⲥⲟⲃⲧ ⲛⲃⲁⲓⲑⲥⲁⲛ ⲁⲩⲉⲛⲧⲟⲩ ⲉϩⲣⲁⲓ ⲉⲓⲁⲃⲓⲥ ⲁⲩⲱ ⲁⲩⲣⲟⲕϩⲟⲩ ϩⲙ ⲡⲙⲁ ⲉⲧⲙⲙⲁⲩ</ab>
13 ⲁⲩⲧⲟⲙⲥⲟⲩ ϩⲁ ⲧⲥⲓϯⲱϩⲉ ⲉⲧϩⲛⲓⲁⲃⲓⲥ ⲁⲩⲱ ⲁⲩⲛⲏⲥⲧⲉⲩⲉ ⲛⲥⲁϣϥ ⲛϩⲟⲟⲩ</ab>