1 ϩⲣⲁⲓ ϩⲛ ⲧⲙⲉϩϣⲟⲙⲧⲉ ⲛⲣⲟⲙⲡⲉ ⲛⲕⲩⲣⲟⲥ …</ab>
4 ⲁⲩⲱ ϩⲣⲁⲓ ϩⲛ ⲥⲟⲩϫⲟⲩⲧⲁϥⲧⲉ ⲙⲡⲉⲃⲟⲧ ⲛϣⲟⲣⲡ ⲁⲩⲱ ⲁⲛⲟⲕ ⲛⲓ ϩⲁⲧⲙ ⲡⲓⲉⲣⲟ ⲛⲟϭ ⲉⲧⲉ ⲡⲁⲓ ⲡⲉ ⲧⲕⲣⲓⲥ ⲉⲧⲧⲉⲕⲉⲗ</ab>
5 ⲁⲓϥⲓ ⲛⲛⲁⲃⲁⲗ ⲉϩⲣⲁⲓ ⲁⲓⲛⲁⲩ ⲁⲩⲱ ⲉⲓⲥ ϩⲏⲏⲧⲉ ⲉⲓⲥ ⲟⲩⲣⲱⲙⲉ ⲉⲣⲉ ⲟⲩⲃⲁⲇⲇⲓⲛ ⲧⲟ ϩⲓⲱⲱϥ ⲉⲣⲉ ⲧⲉϥϯⲡⲉ ⲙⲏⲣ ϩⲛ ⲟⲩⲛⲟⲩⲃ ⲛⲱⲫⲁⲥ</ab>
6 ⲉⲣⲉ ⲡⲉϥⲥⲱⲙⲁ ⲟ ⲛⲑⲉ ⲛⲟⲩⲑⲁⲣⲥⲓⲥ ⲉⲣⲉ ⲡⲉϥϩⲟ ⲟ ⲛⲑⲉ ⲙⲡⲓⲛⲉ ⲛⲟⲩⲉⲃⲣⲏϭⲉ ⲉⲣⲉ ⲛⲉϥⲃⲁⲗ ⲟ ⲛⲑⲉ ⲛⲟⲩⲗⲁⲙⲡⲁⲥ ⲛⲕⲱϩⲧ ⲉⲣⲉ ⲛⲉϥϭⲃⲟⲓ ⲙⲛ ⲛⲉϥⲟⲩⲉⲣⲏⲧⲉ ⲟ ⲛⲑⲉ ⲛⲟⲩϩⲟⲙⲛⲧ ⲉϥⲁⲁⲧⲉ ⲉⲣⲉ ⲡⲉϩⲣⲟⲟⲩ ⲛⲛⲉϥϣⲁϫⲉ ⲟ ⲛⲑⲉ ⲙⲡⲉϩⲣⲟⲟⲩ ⲛⲟⲩⲙⲏⲏϣⲉ</ab>
7 ⲁⲛⲟⲕ ⲇⲁⲛⲓⲏⲗ ⲁⲓⲛⲁⲩ ⲉⲡⲉⲓϭⲱⲗⲡ ⲉⲃⲟⲗ ⲙⲁⲩⲁⲁⲧ ⲛⲣⲱⲙⲉ ⲇⲉ ⲉⲧⲛⲙⲙⲁⲓ ⲙⲡⲟⲩⲛⲁⲩ ⲉⲣⲟϥ ⲁⲗⲗⲁ ⲁϥϩⲉ ⲉϩⲣⲁⲓ ⲉϫⲱⲟⲩ ⲛϭⲓ ⲟⲩⲛⲟϭ ⲙⲡⲱϣⲥ ⲁⲩⲱ ⲁⲩⲡⲱⲧ ϩⲣⲁⲓ ϩⲛ ⲟⲩϩⲟⲧⲉ</ab>
8 ⲁⲛⲟⲕ ⲇⲉ ⲁⲓϣⲱϫⲡ ⲙⲁⲩⲁⲁⲧ ⲁⲓⲛⲁⲩ ⲉⲡⲉⲓⲛⲟϭ ⲛϭⲱⲗⲡ ⲉⲃⲟⲗ ⲙⲡⲉ ϭⲟⲙ ⲥⲉⲉⲡⲉ ϩⲣⲁⲓ ⲛϩⲏⲧ ⲡⲁⲉⲟⲟⲩ ⲛⲁⲕⲧⲟϥ ⲉⲩⲧⲁⲕⲟ ⲙⲡⲉⲓⲉϣⲁⲙⲁϩⲧⲉ ⲛⲟⲩϭⲟⲙ</ab>
9 ⲁⲓⲥⲱⲧⲙ ⲉⲧⲉⲥⲙⲏ ⲛⲛϥϣⲁϫⲉ ⲁⲩⲱ ⲛⲉⲓⲗⲩⲡⲉⲓ ϩⲙ ⲡⲧⲣⲁⲥⲱⲧⲙ ⲉⲣⲟϥ ⲁⲓⲡⲱϩⲧ ⲙⲡⲁϩⲟ ⲉϩⲣⲉⲓ ⲉϫⲙ ⲡⲕⲁϩ</ab>
10 ⲉⲓⲥ ⲟⲩϭⲓϫ ⲇⲉ ⲁⲥϫⲱϩ ⲉⲣⲟⲓ ⲁⲥⲧⲟⲩⲛⲟⲥⲧ ⲉϩⲣⲁⲓ ⲉϫⲛ ⲛⲁⲡⲁⲧ</ab>
11 ⲡⲉϫⲁϥ ⲛⲁⲓ ϫⲉ ⲇⲁⲛⲓⲏⲗ ⲛⲧⲟⲕ ⲛⲧⲕ ⲟⲩⲣⲱⲙⲉ ⲛϣⲟⲩⲁϣϥ ⲉⲓⲙⲉ ϩⲣⲁⲓ ϩⲛ ⲛϣⲁϫⲉ ⲛⲁⲓ ⲁⲛⲟⲕ ⲉϯϫⲱ ⲙⲙⲟⲟⲩ ⲛⲁⲕ ⲛⲅⲁϩⲉⲣⲁⲧⲕ ϩⲓϫⲛ ⲛⲉⲕⲟⲩⲉⲣⲏⲧⲉ ϫⲉ ⲧⲉⲛⲟⲩ ⲛⲧⲁⲩⲧⲛⲛⲟⲟⲩⲧ ϣⲁⲣⲟⲕ ϩⲙ ⲡⲧⲣϥϫⲱ ⲇⲉ ⲛⲛⲁⲓ ⲙⲡⲉⲓϣⲁϫⲉ ⲁⲓⲧⲱⲟⲩⲛⲉⲓⲥⲧⲱⲧ</ab>