18 [ⲁⲓ]ϣⲧⲟⲣⲧⲣ ⲁⲓϩⲉ ⲉϩⲣⲁⲓ ⲉϫⲙ ⲡⲁϩⲟ ⲉϫⲙ ⲡⲕⲁϩ ⲁϥϫⲱϩ ⲉⲣⲟⲓ ⲁϥⲧⲁϩⲟ ⲙⲙⲟⲓ ⲉⲣⲁⲧ ⲉϫⲛ ⲛⲁⲟⲩⲉⲣⲏⲧⲉ</ab>
19 ⲡⲉϫⲁϥ ϫⲉ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲧⲁⲙⲟⲕ ⲉⲛⲉⲧⲛⲁϣⲱⲡⲉ ϩⲛ ⲑⲁⲏ ⲛⲧⲟⲣⲅⲏ ⲉⲧⲓ ⲅⲁⲣ ⲑⲟⲣⲁⲥⲓⲥ ϣⲟⲟⲡ ⲉⲩϩⲁⲏ ⲛⲟⲩⲟⲉⲓϣ</ab>
20 ⲡⲟⲓⲗⲉ ⲛⲧⲁⲕⲛⲁⲩ ⲉⲣⲟϥ ⲉⲣⲉ ⲛⲧⲁⲡ ⲙⲙⲟϥ ⲡⲉ ⲡⲣⲣⲟ ⲛⲙⲡⲉⲣⲥⲟⲥ ⲙⲛ ⲙⲙⲏⲇⲟⲥ</ab>
21 ⲁⲩⲱ ⲡϭⲓⲉ ⲛⲃⲁⲁⲙⲡⲉ ⲡⲉ ⲡⲣⲣⲟ ⲛⲉⲛϩⲉⲗⲗⲏⲛ ⲁⲩⲱ ⲡⲛⲟϭ ⲛⲧⲁⲡ ⲉⲧⲉ ⲛⲧⲙⲏⲧⲉ ⲛⲛⲉϥⲃⲁⲗ ⲛⲧⲟϥ ⲡⲉ ⲡⲣⲣⲟ ⲛϣⲟⲣⲡ</ab>
22 ⲁⲩⲱ ⲡⲁⲓ ⲛⲧⲁϥⲟⲩⲱϣϥ ⲁ ϥⲧⲟⲟⲩ ⲛⲧⲁⲡ ⲉⲓ ⲉϩⲣⲁⲓ ϩⲁⲣⲁⲧϥ ϥⲧⲟⲟⲩ ⲛⲣⲣⲟ ⲛⲉ ⲉⲩⲛⲁⲧⲱⲟⲩⲛ ⲉⲃⲟⲗϩⲙ ⲡⲉϥϩⲉⲑⲛⲟⲥ ⲁⲩⲱ ϩⲣⲁⲓ ϩⲛ ⲧⲉϥϭⲟⲙ ⲁⲛ</ab>
23 ϩⲣⲁ ⲇⲉ ϩⲛ ⲑⲁⲏ ⲛⲧⲉⲩⲙⲛⲧⲉⲣⲟ ⲉⲩϣⲁⲛϫⲱⲕ ⲉⲃⲟⲗ ⲛϭⲓ ⲛⲉⲩⲛⲟⲃⲉ ϥⲛⲁⲧⲱⲟⲩⲛ ⲛϭⲓ ⲟⲩⲣⲣⲟ ⲛⲁⲧϣⲓⲡⲉ ϩⲙ ⲡⲉϥϩⲟ ⲉϥⲉⲓⲙⲉ ⲉⲛⲉⲡⲣⲟⲃⲗⲏⲙⲁ</ab>
24 ⲁⲩⲱ ⲉⲥϫⲟⲟⲣ ⲛϭⲓ ⲧⲉϥϭⲟⲙ ⲁⲩⲱ ϩⲣⲁⲓ ϩⲛ ⲧⲉϥϭⲟⲙ ⲁⲛ ⲁⲩⲱ ϥⲛⲁⲧⲁⲕⲟ ⲛⲛⲉϣⲡⲏⲣⲉ ⲛϥⲥⲟⲟⲩⲧⲛ ⲛϥⲉⲓⲣⲉ ⲛϥⲧⲁⲕⲟ ⲛⲛⲉⲧϫⲟⲟⲣ ⲙⲡⲗⲁⲟⲥ ⲉⲧⲟⲩⲁⲁⲃ</ab>
25 ⲛϥⲥⲟⲟⲩⲧⲛ ⲛϭⲓ ⲡⲛⲁϩⲃⲉϥ ⲙⲡⲉϥⲕⲗⲁⲗ ⲉⲟⲩⲛ ⲟⲩⲕⲣⲟϥ ϩⲛ ⲧⲉϥϭⲓϫ ⲛϥϫⲓⲥⲉ ⲛϭⲓ ⲡⲉϥϩⲏⲧ ⲛϥⲧⲁⲕⲟ ⲛϩⲁϩ ϩⲛ ⲟⲩⲕⲣⲟϥ ⲛϥⲁϩⲉⲣⲁⲧϥ ⲉϫⲙ ⲡⲧⲁⲕⲟ ⲛϩⲁϩ ⲛⲉϥⲟⲩⲱϣϥ ⲙⲙⲟⲟⲩ ϩⲛ ⲛⲉϥϭⲓϫ ⲛⲑⲉ ⲛϩⲛⲥⲟⲟⲩϩⲉ</ab>
26 ⲁⲩⲱ ⲑⲟⲣⲁⲥⲓⲥ ⲛⲣⲟⲩϩⲉ ⲙⲛ ϩⲧⲟⲟⲩⲉ ⲧⲁⲓ ⲛⲧⲁⲩϫⲟⲟⲥ ⲟⲩⲙⲉ ⲧⲉ ⲛⲧⲟⲕ ⲇⲉ ⲧⲱⲱⲃⲉ ⲛⲑⲟⲣⲁⲥⲓⲥ ϫⲉ ⲉⲥϣⲟⲟⲡ ⲛϩⲁϩ ⲛϩⲟⲟⲩ</ab>
27 ⲁⲛⲟⲕ ⲇⲉ ⲇⲁⲛⲓⲏⲗ ⲁⲓⲉⲛⲕⲟⲧⲕ ⲁⲓⲗⲟϭⲗⲉϫ ⲁⲩⲱ ⲁⲓⲧⲱⲟⲩⲛ ⲁⲓⲉⲓⲣⲉ ⲛⲛⲉϩⲃⲏⲩⲉ ⲙⲡⲣⲣⲟ ⲛⲉⲓⲉⲣ ϣⲡⲏⲣⲉ ⲇⲉ ⲛⲑⲟⲣⲁⲥⲓⲥ ⲙⲛ ⲡⲉⲧⲉⲓⲙⲉ ⲉⲣⲟⲥ</ab>