1 ⲁⲩⲱ ⲡϫⲟⲉⲓⲥ ⲁϥϣⲁϫⲉ ⲙⲛ ⲙⲱⲩⲥⲏⲥ ⲉϥϫⲱ ⲙⲙⲟⲥ ⲛⲁϥ</ab>
2 ϫⲉ ϣⲁϫⲉ ⲙⲛ ⲛϣⲏⲣⲉ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ⲛⲁⲩ ϫⲉ ⲟⲩⲥϩⲓⲙⲉ ⲉⲥϣⲁⲛϫⲓϭⲣⲟϭ ⲛⲥⲱⲱ ⲛⲥϫⲡⲉⲟⲩϩⲟⲟⲩⲧ ⲉⲥⲉϣⲱⲡⲉ ⲉⲥⲟ ⲛⲛⲁⲕⲁⲑⲁⲣⲧⲟⲥ ⲛⲥⲁϣϥ ⲛϩⲟⲟⲩ ⲕⲁⲧⲁ ⲡⲧⲱϣ ⲛⲧⲉⲥϣⲣⲱ ⲉⲥϫⲁϩⲙ ⲛⲥⲁϣϥ ⲛϩⲟⲟⲩ</ab>
3 ⲁⲩⲱ ϩⲙ ⲡⲙⲉϩϣⲙⲟⲩⲛ ⲛϩⲟⲟⲩ ⲉⲥⲉⲥⲃⲃⲉ ⲛⲧⲥⲁⲣⲝ ⲛⲧⲉϥⲙⲛⲧⲁⲧⲥⲃⲃⲉ</ab>
4 ⲁⲩⲱ ⲉⲥⲉⲣⲙⲁⲃϣⲟⲙⲧⲉ ⲛϩⲟⲟⲩ ⲉⲥϩⲙⲟⲟⲥ ϩⲙ ⲡⲉⲥⲛⲟϥ ⲛⲧⲉⲥⲁⲕⲁⲑⲁⲣⲥⲓⲁ ⲛⲛⲉⲥϫⲱϩ ⲉⲗⲁⲁⲩ ⲉϥⲟⲩⲁⲁⲃ ⲁⲩⲱ ⲛⲛⲉⲥⲃⲱⲕ ⲉϩⲟⲩⲛ ⲉⲡⲙⲁ ⲉⲧⲟⲩⲁⲁⲃ ϣⲁⲛⲧⲟⲩϫⲱⲕ ⲉⲃⲟⲗ ⲛϭⲓ ⲛⲉϩⲟⲟⲩ ⲙⲡⲉⲥⲧⲃⲃⲟ</ab>
5 ⲉϣⲱⲡⲉ ⲇⲉ ⲟⲩϣⲉⲉⲣⲉ ⲧⲉ ⲉⲥⲛⲁϫⲡⲟⲥ ⲉⲥⲉϣⲱⲡⲉ ⲉⲥϫⲁϩⲙ ⲙⲙⲛⲧⲁϥⲧⲉ ⲛϩⲟⲟⲩ ⲕⲁⲧⲁ ⲡⲧⲱϣ ⲛⲧⲉⲥϣⲣⲱ ⲁⲩⲱ ⲥⲉⲧⲁⲥⲉ ⲛϩⲟⲟⲩ ⲉⲥⲉⲁⲁⲩ ϩⲙ ⲡⲉⲥⲛⲟϥ ⲙⲡⲉⲥϫⲱϩⲙ</ab>
6 ⲁⲩⲱ ⲉⲩϣⲁⲛϫⲱⲕ ⲉⲃⲟⲗ ⲛϭⲓ ⲛⲉϩⲟⲟⲩ ⲙⲡⲉⲥⲧⲃⲃⲟ ⲉϫⲛ ⲟⲩϣⲏⲣⲉ ⲏ ⲉϫⲛ ⲟⲩϣⲉⲉⲣⲉ ⲉⲥⲉⲉⲓⲛⲉ ⲛⲟⲩϩⲓⲉⲓⲃ ⲛⲟⲩⲣⲟⲙⲡⲉ ⲉⲙⲛϫⲃⲓⲛ ⲛϩⲏⲧϥ ⲉⲧⲁⲗⲟϥ ⲉϩⲣⲁⲓ ⲛϭⲗⲓⲗ ⲁⲩⲱ ⲟⲩⲙⲁⲥ ⲛϭⲣⲟⲟⲙⲡⲉ ⲏ ⲟⲩϭⲣⲙⲡϣⲁⲛ ϩⲁ ⲛⲟⲃⲉ ⲉⲣⲙ ⲡⲣⲟ ⲛⲧⲉⲥⲕⲏⲛⲏ ⲙⲡⲙⲁⲣⲧⲩⲣⲓⲟⲛ ⲉⲣⲁⲧϥ ⲙⲡⲟⲩⲏⲏⲃ</ab>
7 ⲁⲩⲱ ⲉϥⲉⲛⲧϥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲛⲧⲉⲡⲟⲩⲏⲏⲃ ⲧⲱⲃϩ ⲉϫⲱϥ ⲁⲩⲱ ⲉϥⲉⲕⲁⲑⲁⲣⲓⲍⲉ ⲙⲙⲟⲥ ⲉⲃⲟⲗ ϩⲛ ⲧⲡⲏⲅⲏ ⲙⲡⲉⲥⲥⲛⲟϥ ⲡⲁⲓ ⲡⲉ ⲡⲛⲟⲙⲟⲥ ⲛⲧⲉⲥϩⲓⲙⲉ ⲉⲥⲛⲁϫⲡⲉ ⲟⲩϩⲟⲟⲩⲧ ⲏ ⲟⲩⲥϩⲓⲙⲉ</ab>
8 ⲉϣⲱⲡⲉ ⲇⲉ ⲉⲛⲧⲟⲟⲧⲥ ⲛⲁϭⲓⲛⲉ ⲁⲛ ⲙⲡⲧⲱϣ ⲙⲡⲉϩⲓⲉⲓⲃ ⲉⲥⲉϫⲓ ⲛϭⲣⲙⲡϣⲁⲛ ⲥⲛⲁⲩ ⲏ ⲙⲁⲥ ⲥⲛⲁⲩ ⲛϭⲣⲟⲟⲙⲡⲉ ⲟⲩϭⲣⲙⲡϣⲁⲛ ⲉⲩϩⲟⲗⲟⲕⲁⲩⲧⲱⲙⲁ ⲁⲩⲱ ⲕⲉⲟⲩⲁ ϩⲁ ⲛⲟⲃⲉ ⲛⲧⲉⲡⲟⲩⲏⲏⲃ ⲧⲱⲃϩ ⲉϫⲱⲥ ⲛⲥⲧⲃⲃⲟ</ab>