1 ⲟⲩⲟⲓ ⲛⲁⲓ ϫⲉ ⲁⲓⲣ ⲑⲉ ⲙⲡⲉⲧⲥⲉⲩϩ ⲣⲟⲟⲩⲉ ⲉϩⲟⲩⲛ ϩⲙ ⲡⲱϩⲥ ⲁⲩⲱ ⲛⲑⲉ ⲙⲡⲉⲧⲕⲉⲧϥ ϫⲉⲗⲗⲉ ϩⲙ ⲡϫⲱⲱⲗⲉ ⲉⲙⲛ ⲥⲙⲁϩ ϣⲟⲟⲡ ⲉⲟⲩⲱⲙ ⲛⲛⲧⲁⲩⲡⲱϩ ⲛϣⲟⲣⲡ. ⲟⲩⲟⲓ ⲛⲁⲓ ⲧⲁⲯⲩⲭⲏ</ab>
2 ϫⲉ ⲁ ⲡⲣϥⲣⲛⲟⲃⲉ ⲧⲁⲕⲟ ϩⲓϫⲙ ⲡⲕⲁϩ ⲁⲩⲱ ⲡⲉⲧⲥⲟⲩⲧⲱⲛ ϩⲛ ⲛⲣⲱⲙⲉ ⲉⲛϥϣⲟⲟⲡ ⲁⲛ ⲥⲉϭⲟⲣϭ ⲧⲏⲣⲟⲩ ⲉϩⲛⲥⲛⲟϥ ⲡⲟⲩⲁ ⲡⲟⲩⲁ ϩⲟϫϩⲉϫ ⲙⲡⲉⲧϩⲓⲧⲟⲩⲱϥ ϩⲛ ⲟⲩϩⲟϫϩⲉϫ</ab>
3 ⲥⲉⲥⲟⲃⲧⲉ ⲛⲛⲉⲩϭⲓϫ ⲉⲡⲡⲉⲑⲟⲟⲩ ⲡⲁⲣⲭⲱⲛ ϥⲁⲓⲧⲉⲓ ⲁⲩⲱ ⲡⲉⲕⲣⲓⲧⲏⲥ ϥϫⲓ ϩⲛ ϩⲛⲧⲟⲩⲓⲟ ϥϫⲱ ⲁⲩⲱ ϥⲧⲁⲩⲟ ⲛϩⲛϣⲁϫⲉ ⲛⲉⲓⲣⲏⲛⲓⲕⲟⲛ ⲁⲩⲱ ⲡϫⲱⲱⲣⲉ ⲁϥϣⲁϫⲉ ⲉⲡⲟⲩⲱϣ ⲡⲉ ⲛⲧⲉϥⲯⲩⲭⲏ ⲁⲩⲱ ϯⲛⲁϥⲓ ⲛⲛⲉⲩⲁⲅⲁⲑⲟⲛ</ab>
4 ⲛⲑⲉ ⲛⲟⲩϩⲟⲟⲗⲉ ⲉⲥⲟⲩⲱⲙ ⲁⲩⲱ ⲉⲥⲙⲟⲟϣⲉ ϩⲓϫⲛ ⲟⲩⲕⲁⲛⲱⲛ ϩⲙ ⲡⲉϩⲟⲟⲩ ⲙⲡϭⲱϣⲧ ⲉⲃⲟⲗ ⲟⲩⲟⲓ ⲟⲩⲟⲓ ⲛⲕⲃⲁ ⲁⲩⲉⲓ ⲧⲉⲛⲟⲩ ⲥⲉⲛⲁϣⲱⲡⲉ ⲛϭⲓ ⲛⲉⲩⲣⲓⲙⲉ</ab>
5 ⲙⲡⲣⲧⲁⲛϩⲉⲧ ⲧⲏⲩⲧⲛ ⲙⲛ ⲛⲉⲧⲛϣⲃⲉⲉⲣⲉ ⲟⲩⲇⲉ ⲙⲡⲣⲕⲁ ϩⲧⲏⲧⲛ ⲉⲛⲉⲧϩⲓϫⲱⲧⲛ ϩⲁⲣⲉϩ ⲉⲣⲟⲕ ⲉⲧⲉⲕⲥϩⲓⲙⲉ ⲉⲧⲙⲧⲁⲙⲟⲥ ⲉⲗⲁⲁⲩ</ab>
6 ⲉⲃⲟⲗϫⲉ ⲟⲩⲛ ⲟⲩϣⲏⲣⲉ ⲛⲁⲥⲉϣ ⲡⲉϥⲓⲱⲧ ⲁⲩⲱ ⲟⲩⲛ ⲟⲩϣⲉⲉⲣⲉ ⲛⲁⲧⲱⲟⲩⲛ ⲉϫⲛ ⲧⲉⲥⲙⲁⲁⲩ ⲁⲩⲱ ⲟⲩϣⲉⲗⲉⲉⲧ ⲉϫⲛ ⲧⲉⲥϣⲱⲙⲉ ⲛϫⲓⲛϫⲉⲉⲩⲉ ⲙⲡⲣⲱⲙⲉ ⲉⲛⲛⲣⲱⲙⲉ ⲧⲏⲣⲟⲩ ⲉⲧϩⲙ ⲡⲉϥⲏⲓ</ab>
7 ⲁⲛⲟⲕ ⲇⲉ ϯⲛⲁϭⲱϣⲧ ⲉϩⲣⲁⲓ ⲉⲡϫⲟⲉⲓⲥ ϯⲛⲁϩⲩⲡⲟⲙⲟⲛⲏ ⲉⲡⲛⲟⲩⲧⲉ ⲡⲁⲥⲱⲧⲏⲣ ⲡⲁⲛⲟⲩⲧⲉ ϥⲛⲁⲥⲱⲧⲙ ⲉⲣⲟⲓ</ab>
8 ⲧⲁⲙⲛⲧϫⲁϫⲉ ⲙⲡⲣⲣⲁϣⲉ ⲉϩⲣⲁⲓ ⲉϫⲱⲓ ϫⲉ ⲁⲓϩⲉ ϯⲛⲁⲧⲱⲟⲩⲛ ⲟⲛ ϫⲉ ⲉⲓϣⲁⲛϩⲙⲟⲟⲥ ϩⲙ ⲡⲕⲁⲕⲉ ⲡϫⲟⲉⲓⲥ ⲛⲁⲣⲟⲩⲟⲉⲓⲛ ⲉⲣⲟⲓ</ab>
9 ⲧⲟⲣⲅⲏ ⲙⲡϫⲟⲉⲓⲥ ϯⲛⲁϥⲓ ϩⲁⲣⲟⲥ ϫⲉ ⲁⲓⲣⲛⲟⲃⲉ ⲉⲣⲟϥ ϣⲁⲛⲧⲉϥⲧⲙⲁⲉⲓⲉ ⲡⲁ … ⲧ ⲉϥⲛⲁⲉⲓⲣⲉ … ⲕⲃⲁ ⲉϥⲛⲁ … ⲗ ⲉⲡⲟⲩⲟ[ⲉⲓⲛ ϯⲛⲁ]ⲛⲁⲩ ⲉⲧⲉϥⲇⲓ[ⲕⲁⲓ]ⲟⲥⲩⲛⲏ</ab>
10 ⲁⲩⲱ [ⲥⲛ]ⲁⲛⲁⲩ ⲉⲣⲟⲓ ⲛϭⲓ [ⲧⲁ]ⲙⲛⲧϫⲁϫⲉ [ⲁⲩⲱ] ⲥϭⲟⲟⲗⲉⲥ ⲙⲡ[ϣⲓ]ⲡⲉ ⲧⲉⲧϫⲱ [ⲙⲙ]ⲟⲥ ⲛⲁⲓ ϫⲉ ⲉϥ ⲧⲱⲛ ⲡϫⲟⲉⲓⲥ ⲛⲉⲕⲛⲟⲩⲧⲉ ⲁⲩⲱ ⲛⲁⲃⲁⲗ ⲥⲉⲛⲁⲙⲉϩ ⲉⲓⲁⲧⲟⲩ ⲙⲙⲟⲥ ⲧⲉⲛⲟⲩ ⲥⲉⲛⲁϩⲱⲙ ⲉϫⲱⲥ ⲛⲑⲛⲟⲩⲟⲙⲉ ϩⲛ ⲛⲉϩⲓⲟⲟⲩⲉ</ab>
11 ⲟⲩϩⲟⲟⲩ ⲛⲕⲱϩⲧ ⲉⲧⲟⲩϫⲟ ⲡⲉ ⲡⲉϩⲟⲟⲩ ⲉⲧⲙⲙⲁⲩ ⲉϥⲛⲁⲧⲁⲕⲟ ⲛⲛⲛⲟⲙⲓⲙⲟⲛ ⲙⲡⲁⲗⲁⲟⲥ</ab>
12 ⲁⲩⲱ ⲛⲉⲕⲡⲟⲗⲓⲥ ⲥⲉⲛⲁϣⲁϣⲟⲩ ⲙⲛ ⲡⲕⲁϩ ⲛⲧⲉ ⲛⲁⲥⲥⲩⲣⲓⲟⲥ ⲡⲟϣⲟⲩ ⲉϩⲣⲁⲩ ⲁⲩⲱ ⲛⲉⲕⲡⲟⲗⲓⲥ ⲥⲉⲛⲁⲡⲟϣⲟⲩ ϫⲓⲛ ⲧⲩⲣⲟⲥ ϣⲁ ⲡⲉⲓⲉⲣⲟ ⲛⲧⲥⲩⲣⲓⲁ ⲁⲩⲱ ϫⲓⲛ ⲑⲁⲗⲁⲥⲥⲁ ϣⲁ ⲑⲁⲗⲁⲥⲥⲁ ⲁⲩⲱ ϫⲓⲛ ⲡⲧⲟⲟⲩ ϣⲁ ⲡⲧⲟⲟⲩ</ab>
13 ⲁⲩⲱ ⲡⲕⲁϩ ⲉϥⲛⲁϣⲱⲡⲉ ⲉⲩⲧⲁⲕⲟ ⲙⲛ ⲛⲉⲧⲟⲩⲏϩ ⲛϩⲏⲧϥ ⲉⲃⲟⲗ ϩⲙ ⲡⲕⲁⲣⲡⲟⲥ ⲛⲛⲉϩⲃⲏⲩⲉ ⲛⲧⲉⲩⲡⲟⲛⲏⲣⲓⲁ</ab>
14 ⲙⲟⲟⲛⲉ ⲙⲡⲉⲕⲗⲁⲟⲥ ϩⲙ ⲡⲉⲕϭⲉⲣⲱⲃ ⲧⲉⲕⲫⲩⲗⲏ ⲛⲉⲥⲟⲟⲩ ⲛⲧⲉⲕⲕⲗⲏⲣⲟⲛⲟⲙⲓⲁ ⲉⲩⲟⲩⲏϩ ϩⲁⲣⲓϩⲁⲣⲟⲟⲩ ϩⲙ ⲡⲉⲇⲣⲩⲙⲟⲥ ϩⲛ ⲧⲙⲏⲧⲉ ⲙⲡⲕⲁⲣⲙⲉⲗⲟⲥ ⲥⲉⲛⲁⲙⲟⲟⲛⲉ ⲙⲙⲟⲟⲩ ϩⲛ ⲧⲃⲁⲥⲁⲛ ⲙⲛ ⲅⲁⲗⲁⲁⲇ ⲛⲑⲉ ⲛⲛⲉϩⲟⲟⲩ ⲙⲡⲁⲓⲱⲛ</ab>
15 ⲁⲩⲱ ⲕⲁⲧⲁ ⲛⲉϩⲟⲟⲩ ⲙⲡⲉⲕⲉⲓ ⲉⲃⲟⲗ ϩⲙ ⲡⲕⲁϩ ⲛⲕⲏⲙⲉ ϯⲛⲁⲧⲁⲩⲟⲟⲩ ⲉϩⲉⲛϣⲡⲏⲣⲉ</ab>
16 ⲥⲉⲛⲁⲛⲁⲩ ⲛϭⲓ ⲛϩⲉⲑⲛⲟⲥ ⲛⲥⲉϫⲓ ϣⲓⲡⲉ ⲉⲃⲟⲗ ϩⲛ ⲧⲉⲩϭⲟⲙ ⲧⲏⲣⲥ ⲥⲉⲛⲁⲕⲁ ⲧⲟⲟⲧⲟⲩ ϩⲓⲣⲛ ⲣⲱⲟⲩ ⲛⲥⲉϩⲱϫⲡ ⲛⲛⲉⲩⲙⲁⲁϫⲉ</ab>
17 ⲥⲉⲛⲁⲗⲱϫϩ ⲙⲡⲕⲁϩ ⲛⲑⲉ ⲛⲛϩⲟϥ ⲉⲩⲥⲱϣ ϩⲓⲡⲉⲥⲏⲧ ⲥⲉⲛⲁⲥⲱⲟⲩϩ ⲉϩⲟⲩⲛ ⲉⲟⲣⲃⲟⲩ ⲉϩⲟⲩⲛ ⲥⲉⲛⲁⲣϣⲡⲏⲣⲉ ⲇⲉ ⲟⲛ ⲉϫⲙ ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲥⲉⲣϩⲟⲧⲉ ϩⲁ ⲧⲉϥϩⲏ</ab>
18 ⲛⲓⲙ ⲡⲉ ⲡⲕⲉⲛⲟⲩⲧⲉ ⲛⲃⲗⲗⲁⲕ ⲉⲕϥⲓ ⲙⲙⲁⲩ ⲛⲛⲁⲛⲟⲙⲓⲁ ⲁⲩⲱ ⲉϥⲱⲃϣ ⲙⲙⲟϥ ⲙⲙⲛⲧϣⲁϥⲧⲉ ⲛⲛⲥⲉⲉⲡⲉ ⲛⲧⲉϥⲕⲗⲏⲣⲟⲛⲟⲙⲓⲁ ⲁⲩⲱ ⲙⲡⲉϥⲁⲙⲁϩⲧⲉ ⲛⲧⲉϥⲟⲣⲅⲏ ⲉⲕⲁⲁⲥ ⲉⲩⲙⲛⲧⲙⲛⲧⲣⲉ ⲉⲃⲟⲗ ϫⲉ ⲉⲣⲉ ⲡⲉϥⲟⲩⲱϣ ϣⲟⲟⲡ ϩⲙ ⲡⲛⲁ</ab>
19 ⲛⲧⲟϥ ⲉϥⲛⲁⲕⲧⲟϥ ⲛⲉϥϣⲛ ϩⲧⲏϥ ⲉϫⲱⲛ ⲁⲩⲱ ϥⲛⲁϩⲱⲡ ⲛⲛⲉⲛⲛⲟⲃⲉ- ⲛⲉⲛⲕⲉⲁⲛⲑⲙⲓⲁ ⲧⲏⲣⲟⲩ ⲉϥⲛⲁⲛⲟϫⲟⲩ ⲉϩⲣⲁⲓ ⲛϣⲓⲕ ⲛⲧⲉⲑⲁⲗⲁⲥⲥⲁ</ab>
20 ⲉⲕⲛⲁϯ ⲛⲧⲙⲉ ⲛⲓⲁⲕⲱⲃ ⲁⲩⲱ ⲡⲛⲁ ⲛⲁⲃⲣⲁϩⲁⲙ ⲙⲡⲉⲥⲙⲟⲧ ⲛⲧⲁⲕⲱⲣⲕ ⲛⲛⲉⲕⲉⲓⲟⲧⲉ ϫⲓⲛ ⲛⲉϩⲟⲟⲩ ⲛϣⲟⲣⲡ</ab>