1 ⲁⲗⲗⲏⲗⲟⲩⲓⲁ ⲛⲁⲓⲁⲧϥ ⲙⲡⲣⲱⲙⲉ ⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ ⲉⲣⲉⲡⲉϥⲟⲩⲱϣ ϩⲛ ⲛⲉϥⲉⲛⲧⲟⲗⲏ ⲉⲙⲁⲧⲉ</ab>
2 ⲡⲉϥⲥⲡⲉⲣⲙⲁ ⲛⲁϭⲙϭⲟⲙ ϩⲙ ⲡⲕⲁϩ ⲧⲅⲉⲛⲉⲁ ⲛⲛⲉⲧⲥⲟⲩⲧⲱⲛ ⲛⲁϫⲓⲥⲙⲟⲩ</ab>
3 ⲡⲉⲟⲟⲩ ⲙⲛ ⲧⲙⲛⲧⲣⲙⲙⲁⲟ ⲛⲉⲧϩⲙ ⲡⲉϥⲏⲓ ⲁⲩⲱ ⲧⲉϥⲇⲓⲕⲁⲓⲟⲥⲩⲛⲏ ϣⲟⲟⲡ ϣⲁ ⲉⲛⲉϩ ⲛⲉⲛⲉϩ</ab>
4 ⲁⲡⲟⲩⲟⲉⲓⲛ ϣⲁ ϩⲙ ⲡⲕⲁⲕⲉ ⲛⲛⲉⲧⲥⲟⲩⲧⲱⲛ ⲟⲩⲛⲁⲏⲧ ⲛϣⲁⲛϩⲧⲏϥ ⲛⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲡⲛⲟⲩⲧⲉ</ab>
5 ⲡⲉⲭⲣⲏⲥⲧⲟⲥ ⲛⲣⲱⲙⲉ ⲡⲉ ⲡϣⲁⲛϩⲧⲏϥ ⲛⲣⲉϥϯ ϥⲛⲁⲟⲓⲕⲟⲛⲟⲙⲉⲓ ⲛⲛⲉϥϣⲁϫⲉ ϩⲛ ⲟⲩϩⲁⲡ</ab>
6 ϫⲉ ϥⲛⲁⲕⲓⲙ ⲁⲛ ϣⲁ ⲉⲛⲉϩ ⲡⲇⲓⲕⲁⲓⲟⲥ ⲛⲁϣⲱⲡⲉ ⲛⲣⲡⲙⲉⲉⲩⲉ ϣⲁ ⲉⲛⲉϩ</ab>
7 ⲛϥⲛⲁⲣϩⲟⲧⲉ ⲁⲛ ϩⲏⲧϥ ⲛⲟⲩⲥⲟⲉⲓⲧ ⲉϥϩⲟⲟⲩ ⲡⲉϥϩⲏⲧ ⲥⲃⲧⲱⲧ ⲉϩⲉⲗⲡⲓⲍⲉ ⲉⲡϫⲟⲉⲓⲥ</ab>
8 ⲡⲉϥϩⲏⲧ ⲧⲁϫⲣⲏⲩ ⲛϥⲛⲁⲣϩⲟⲧⲉ ⲁⲛ ϣⲁⲛⲧϥⲙⲉϩ ⲉⲓⲁⲧϥ ⲛⲛⲉϥϫⲓϫⲉⲉⲩ</ab>
9 ⲁϥϫⲱⲱⲣⲉ ⲉⲃⲟⲗ ⲁϥϯ ⲛⲛϩⲏⲕⲉ ⲧⲉϥⲇⲓⲕⲁⲓⲟⲥⲩⲛⲏ ϣⲟⲟⲡ ϣⲁ ⲉⲛⲉϩ ⲛⲉⲛⲉϩ ⲁⲩⲱ ⲡⲉϥⲧⲁⲡ ⲛⲁϫⲓⲥⲉ ϩⲛ ⲟⲩⲉⲟⲟⲩ</ab>
10 ⲡⲣⲉϥⲣⲛⲟⲃⲉ ⲛⲁⲛⲁⲩ ⲛϥⲛⲟⲩϭⲥ ⲛϥϩⲣⲟϫⲣⲉϫ ⲛⲛⲉϥⲟⲃϩⲉ ⲛϥⲃⲱⲗ ⲉⲃⲟⲗ ⲧⲉⲉⲡⲓⲑⲩⲙⲓⲁ ⲛⲛⲣⲉϥⲣⲛⲟⲃⲉ ⲛⲁⲧⲁⲕⲟ</ab>
Read Sahidic Coptic with narration, notes, and lessons in the Eterniseed app.