1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲥⲱⲧⲙ ⲉⲣⲟⲓ ϯϩⲧⲏⲕ ⲉⲡⲁϩⲣⲟⲟⲩ ϩⲙ ⲡⲧⲣⲁⲱϣ ⲉϩⲣⲁⲓ ⲉⲣⲟⲕ</ab>
2 ⲙⲁⲣⲉⲡⲁϣⲗⲏⲗ ⲥⲟⲟⲩⲧⲛ ⲛⲑⲉ ⲛⲟⲩϣⲟⲩ ϩⲏⲛⲉ ⲙⲡⲉⲕⲙⲧⲟ ⲉⲃⲟⲗ ⲡϥⲓ ⲛⲛⲁϭⲓϫ ⲉϩⲣⲁⲓ ⲛⲑⲉ ⲛⲟⲩⲑⲩⲥⲓⲁ ⲙⲡⲛⲁⲩ ⲛⲣⲟⲩϩⲉ</ab>
3 ⲡϫⲟⲉⲓⲥ ⲁⲕⲕⲱ ⲛⲟⲩϩⲁⲣⲉϩ ϩⲓⲣⲛ ⲣⲱⲓ ⲁⲩⲱ ⲟⲩⲣⲟ ⲉϥⲧⲁϫⲣⲏⲩ ϩⲛ ⲛⲁⲥⲡⲟⲧⲟⲩ</ab>
4 ⲙⲡⲣⲣⲕⲡⲁϩⲏⲧ ⲉϩⲉⲛϣⲁϫⲉ ⲉⲩϩⲟⲟⲩ ⲉⲧⲣⲁϭⲛⲗⲟⲓϭⲉ ϩⲛ ϩⲉⲛⲛⲟⲃⲉ ⲙⲛ ⲛⲣⲱⲙⲉ ⲉⲧⲉⲓⲣⲉ ⲛⲧⲁⲛⲟⲙⲓⲁ ⲁⲩⲱ ⲛⲛⲁϫⲓϣⲟϫⲛⲉ ⲙⲛ ⲛⲉⲩⲥⲱⲧⲡ</ab>
5 ⲡⲇⲓⲕⲁⲓⲟⲥ ⲛⲁⲡⲁⲓⲇⲉⲩⲉ ⲙⲙⲟⲓ ϩⲛ ⲟⲩⲛⲁ ⲁⲩⲱ ⲛϥϫⲡⲓⲟⲓ ⲙⲡⲣⲧⲣⲉⲡⲛⲉϩ ⲇⲉ ⲛⲧⲟϥ ⲙⲡⲣⲉϥⲣⲛⲟⲃⲉ ⲧⲱϩⲥ ⲛⲧⲁⲁⲡⲉ ⲉⲧⲓ ⲉⲧⲓ ⲡⲁϣⲗⲏⲗ ϩⲙ ⲡⲉⲩⲟⲩⲱϣ</ab>
6 ⲁⲩⲱⲙⲕ ⲛⲛϫⲱⲱⲣⲉ ⲙⲡⲕⲁϩ ϩⲁⲧⲛ ⲧⲡⲉⲧⲣⲁ ⲥⲱⲧⲙ ⲉⲛⲁϣⲁϫⲉ ϫⲉ ⲁⲩϭⲙϭⲟⲙ ⲛⲑⲉ ⲙⲡⲟⲩⲙⲟⲧ ⲙⲡⲕⲁϩ ⲁⲩⲡⲱϩ ϩⲓϫⲙ ⲡⲕⲁϩ</ab>
7 ⲁⲛⲉⲛⲕⲉⲉⲥϫⲱⲱⲣⲉ ⲉⲃⲟⲗ ϩⲁ ⲧⲛⲁⲙⲛⲧⲉ</ab>
8 ϫⲉ ⲉⲣⲉⲛⲁⲃⲁⲗ ⲡϫⲟⲉⲓⲥ ϥⲏⲩ ⲉϩⲣⲁⲓ ⲉⲣⲟⲕ ⲁⲓϩⲉⲗⲡⲓⲍⲉ ⲉⲣⲟⲕ ⲙⲡⲣϥⲓ ⲛⲧⲁⲯⲩⲭⲏ</ab>
9 ϩⲁⲣⲉϩ ⲉⲣⲟⲓ ⲉⲡⲡⲁϣ ⲛⲧⲁⲩⲧⲁϩⲟϥ ⲉⲣⲁⲧϥ ⲉⲣⲟⲓ ⲁⲩⲱ ⲉⲃⲟⲗ ϩⲛ ⲛⲉⲥⲕⲁⲛⲇⲁⲗⲟⲛ ⲛⲛⲉⲧⲣϩⲱⲃ ⲉⲧⲁⲛⲟⲙⲓⲁ</ab>
10 ⲡⲣⲉϥⲣⲛⲟⲃⲉ ⲛⲁϩⲉ ϩⲙ ⲡⲉϥϣⲛⲉ ϯϣⲟⲟⲡ ⲁⲛⲟⲕ ⲙⲁⲩⲁⲁⲧ ϣⲁⲛϯⲥⲁⲁⲧϥ</ab>