1 ⲛⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉⲓⲯⲁⲗⲙⲟⲥ ⲛⲧⲁⲇⲁⲩⲉⲓⲇ ⲥⲁϩϥ ⲉⲧⲥⲟⲧϥ ⲉϥⲙⲡⲃⲟⲗ ⲛⲧⲏⲡⲉⲛⲧⲉⲣⲉϥⲙⲓϣⲉ ⲙⲛ ⲅⲟⲗⲟⲁⲑ ⲛⲉ ⲁⲛⲅ ⲟⲩⲕⲟⲩⲓ ϩⲛ ⲛⲁⲥⲛⲏⲩ ⲉⲓⲥⲟⲃⲕ ϩⲙ ⲡⲏⲓ ⲙⲡⲁⲉⲓⲱⲧ ⲉⲓⲙⲥⲟⲛⲉ ⲛⲛⲉⲥⲟⲟⲩ ⲙⲡⲁⲉⲓⲱⲧ</ab>
2 ⲛⲁϭⲓϫ ⲁⲩⲧⲁⲙⲓⲟ ⲛⲟⲩⲟⲣⲅⲁⲛⲟⲛ ⲛⲁⲧⲏⲏⲃⲉ ⲁⲩⲧⲱϣ ⲛⲟⲩⲯⲁⲗⲧⲏⲣⲓⲟⲛ</ab>
3 ⲛⲓⲙ ⲡⲉⲧⲛⲁϫⲓⲡⲟⲩⲱ ⲙⲡϫⲟⲉⲓⲥ ⲛⲧⲟϥ ⲡⲉ ⲡϫⲟⲉⲓⲥ ⲛⲧⲟϥ ⲉⲧⲥⲱⲧⲙ</ab>
4 ⲛⲧⲟϥ ⲡⲉⲛⲧⲁϥⲧⲛⲛⲟⲟⲩ ⲙⲡⲉϥⲁⲅⲅⲉⲗⲟⲥ ⲁϥϥⲓⲧ ϩⲛ ⲛⲉⲥⲟⲟⲩ ⲙⲡⲁⲉⲓⲱⲧ ⲁϥⲧⲁϩⲥⲧ ⲙⲡⲛⲉϩ ⲙⲡⲉϥⲧⲱϩⲥ</ab>
5 ⲛⲁⲥⲛⲏⲩ ⲛⲉ ϩⲉⲛⲛⲟϭ ⲛⲉ ⲉⲛⲉⲥⲱⲟⲩ ⲁⲩⲱ ⲙⲡⲉⲡϫⲟⲉⲓⲥ ⲟⲩⲁϣⲟⲩ</ab>
6 ⲁⲓⲉⲓ ⲉⲃⲟⲗ ⲉⲧⲱⲙⲛⲧ ⲉⲡⲁⲗⲗⲟⲫⲩⲗⲟⲥ ⲁⲩⲱ ⲁϥⲥⲁϩⲟⲩ ⲙⲙⲟⲓ ϩⲛ ⲛⲉϥⲉⲓⲇⲱⲗⲟⲛ</ab>
7 ⲁⲛⲟⲕ ⲇⲉ ⲁⲓⲧⲉⲕⲙⲧⲉϥⲥⲏϥⲉ ⲛⲧⲟⲟⲧϥ ⲁⲓϥⲓ ⲛⲧⲉϥⲁⲡⲉ ⲁⲩⲱ ⲁⲓϥⲓ ⲛⲟⲩⲛⲟϭⲛⲉϭ ⲉⲃⲟⲗ ϩⲛ ⲛϣⲏⲣⲉ ⲙⲡⲓⲥⲣⲁⲏⲗ ⲡϫⲱⲱⲙⲉ ⲛⲛⲉⲯⲁⲗⲙⲟⲥ</ab>
Read Sahidic Coptic with narration, notes, and lessons in the Eterniseed app.