1 ⲉⲡϫⲱⲕ ⲉⲃⲟⲗ ⲛⲇⲁⲩⲉⲓⲇ ⲡϩⲙϩⲁⲗ ⲙⲡϫⲟⲉⲓⲥ</ab>
2 ⲡⲡⲁⲣⲁⲛⲟⲙⲟⲥ ϫⲱ ⲙⲙⲟⲥ ϩⲙ ⲡⲉϥϩⲏⲧ ϫⲉ ϯⲛⲁⲣⲛⲟⲃⲉ ⲛⲑⲟⲧⲉ ⲙⲡⲛⲟⲩⲧⲉ ⲙⲡⲉⲙⲧⲟ ⲛⲛⲉϥⲃⲁⲗ ⲉⲃⲟⲗ ⲁⲛ</ab>
3 ϫⲉ ⲁϥⲣⲕⲣⲟϥ ⲙⲡⲉϥⲙⲧⲟ ⲉⲃⲟⲗ ⲉϩⲉ ⲉⲧⲉϥⲁⲛⲟⲙⲓⲁ ⲁⲩⲱ ⲛϥⲙⲟⲥⲧⲉ</ab>
4 ⲛϣⲁϫⲉ ⲛⲣⲱϥ ⲟⲩⲁⲛⲟⲙⲓⲁ ⲧⲉ ⲙⲛ ⲟⲩⲕⲣⲟϥ ⲙⲡϥⲟⲩⲱϣ ⲉⲥⲟⲩⲛ ⲡⲡⲉⲧⲛⲁⲛⲟⲩϥ ⲉⲁⲁϥ</ab>
5 ⲛⲉϥⲙⲉⲉⲩⲉ ⲉⲩⲁⲛⲟⲙⲓⲁ ϩⲓ ⲧⲉϥϭⲗⲟϭ ⲁϥⲁϩⲉⲣⲁⲧϥ ϩⲓ ϩⲓⲏ ⲛⲓⲙ ⲉⲑⲟⲟⲩ ⲧⲕⲁⲕⲓⲁ ⲇⲉ ⲙⲡϥⲙⲉⲥⲧⲱⲥ</ab>
6 ⲡϫⲟⲉⲓⲥ ⲉⲣⲉⲡⲉⲕⲛⲁ ϩⲛ ⲧⲡⲉ ⲁⲩⲱ ⲧⲉⲕⲙⲉⲡⲏϩ ϣⲁ ⲛⲉⲕⲗⲟⲟⲗⲉ</ab>
7 ⲉⲣⲉⲧⲉⲕⲇⲓⲕⲁⲓⲟⲥⲩⲛⲏ ⲟ ⲛⲑⲉ ⲛⲛⲧⲟⲟⲩ ⲙⲡⲛⲟⲩⲧⲉ ⲉⲣⲉⲛⲉⲕϩⲁⲡ ⲟ ⲛⲑⲉ ⲙⲡⲛⲟⲩⲛ ⲉⲧⲛⲁϣⲱϥ ⲛⲣⲱⲙⲉ ⲙⲛ ⲛⲧⲃⲛⲟⲟⲩⲉ ⲕⲛⲁⲧⲟⲩϫⲟⲟⲩ ⲡϫⲟⲉⲓⲥ</ab>
8 ⲛⲑⲉ ⲉⲛⲧⲁⲕⲧⲁϣⲉ ⲡⲉⲕⲛⲁ ⲡⲛⲟⲩⲧⲉ ⲉⲣⲉⲛϣⲏⲣⲉ ⲛⲛⲣⲱⲙⲉ ⲛⲁϩⲉⲗⲡⲓⲍⲉ ϩⲁ ⲑⲁⲓⲃⲉⲥ ⲛⲛⲉⲕⲧⲛϩ</ab>
9 ⲥⲉⲛⲁⲥⲉⲓ ⲉⲃⲟⲗ ϩⲙ ⲡⲥⲉⲓ ⲙⲡⲉⲕⲏⲓ ⲛⲅⲧⲥⲟⲟⲩ ⲙⲡⲉⲭⲉⲓⲙⲁⲣⲣⲟⲥ ⲛⲧⲉⲕⲧⲣⲩⲫⲏ</ab>
10 ϫⲉ ⲉⲣⲉⲧⲡⲏⲅⲏ ⲙⲡⲱⲛϩ ϩⲁⲧⲏⲕ ϩⲣⲁⲓ ϩⲙ ⲡⲉⲕⲟⲩⲟⲉⲓⲛ ⲧⲛⲛⲁⲛⲁⲩ ⲉⲩⲟⲩⲟⲉⲓⲛ</ab>
11 ⲡⲉⲣϣⲡⲉⲕⲛⲁ ⲉⲃⲟⲗ ⲛⲛⲉⲧⲥⲟⲟⲩⲛ ⲙⲙⲟⲕ ⲁⲩⲱ ⲧⲉⲕⲇⲓⲕⲁⲓⲟⲥⲩⲛⲏ ⲛⲛⲉⲧⲥⲟⲩⲧⲱⲛ ϩⲛ ⲡⲉⲩϩⲏⲧ</ab>
12 ⲙⲡⲣⲧⲣⲉⲟⲩⲟⲩⲉⲣⲏⲧⲉ ⲛϫⲁⲥⲓϩⲏⲧ ⲉⲓ ⲛⲁⲓ ⲁⲩⲱ ⲙⲡⲣⲧⲣⲉⲧϭⲓϫ ⲛⲣⲉϥⲣⲛⲟⲃⲉ ⲕⲓⲙ ⲉⲣⲟⲓ</ab>
13 ϫⲉ ⲛⲧⲁⲩϩⲉ ⲙⲙⲁⲩ ⲛϭⲓ ⲛⲉⲧⲣϩⲱⲃ ⲉⲧⲁⲛⲟⲙⲓⲁ ⲁⲩⲧⲁⲕⲟ ⲛⲥⲉⲛⲁϣϭⲙϭⲟⲙ ⲁⲛ ⲉⲁϩⲉⲣⲁⲧⲟⲩ</ab>