1 ⲉⲡϫⲱⲕ ⲉⲃⲟⲗ ϩⲁ ⲛϣⲏⲣⲉ ⲛⲕⲟⲣⲉ ϩⲁ ⲛⲉⲧϩⲏⲡ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2 ⲡⲉⲛⲛⲟⲩⲧⲉ ⲡⲉ ⲡⲉⲛⲙⲁ ⲙⲡⲱⲧ ⲁⲩⲱ ⲧⲉⲛϭⲟⲙ ⲡⲉⲛⲃⲟⲏⲑⲟⲥ ϩⲛ ⲛⲉⲛⲑⲗⲓⲯⲓⲥ ⲉⲛⲧⲁⲩⲧⲁϩⲟⲛ ⲉⲙⲁⲧⲉ</ab>
3 ⲉⲧⲃⲉ ⲡⲁⲓ ⲛⲧⲛⲛⲁⲣϩⲟⲧⲉ ⲁⲛ ϩⲙ ⲡⲧⲣⲉⲡⲕⲁϩ ϣⲧⲟⲣⲧⲣ ⲛⲧⲉⲛⲧⲟⲟⲩ ⲡⲱⲱⲛⲉ ⲉⲃⲟⲗ</ab>
4 ⲁⲩⲱϣ ⲉⲃⲟⲗ ϩⲛ ⲛϩⲏⲧ ⲛⲛⲉⲑⲁⲗⲁⲥⲥⲁ ⲁⲩⲱ ⲁⲩϣⲧⲟⲣⲧⲣ ⲛϭⲓ ⲛⲉⲩⲙⲟⲟⲩ ⲁⲛⲧⲟⲟⲩ ϣⲧⲟⲣⲧⲣ ϩⲛ ⲧⲉϥϭⲟⲙ ⲇⲓⲁⲯⲁⲗⲙⲁ</ab>
5 ⲙⲙⲁ ⲙⲙⲟⲟⲛⲉ ⲙⲡⲉⲓⲉⲣⲟ ⲛⲁⲉⲩⲫⲣⲁⲛⲉ ⲛⲧⲡⲟⲗⲓⲥ ⲙⲡⲛⲟⲩⲧⲉ ⲁⲡⲉⲧϫⲟⲥⲉ ⲧⲃⲃⲉ ⲡⲉϥⲙⲁ ⲛϣⲱⲡⲉ</ab>
6 ⲡⲛⲟⲩⲧⲉ ϩⲛ ⲧⲉⲥⲙⲏⲧⲉ ⲁⲩⲱ ⲛⲥⲛⲁⲕⲓⲙ ⲁⲛ ⲡⲛⲟⲩⲧⲉ ⲛⲁⲃⲟⲏⲑⲉⲓ ⲉⲣⲟⲥ ⲙⲡⲛⲁⲩ ⲛϩⲧⲟⲟⲩⲉ</ab>
7 ⲁⲛϩⲉⲑⲛⲟⲥ ϣⲧⲟⲣⲧⲣ ⲁⲙⲙⲛⲧⲉⲣⲟ ⲣⲓⲕⲉ ⲁϥϯ ⲛⲧⲉϥⲥⲙⲏ ⲁⲡⲕⲁϩ ⲕⲓⲙ</ab>
8 ⲡϫⲟⲉⲓⲥ ⲛⲛϭⲟⲙ ⲛⲙⲙⲁⲛ ⲡⲉⲛⲣⲉϥϣⲟⲡⲛ ⲉⲣⲟϥ ⲡⲉ ⲡⲛⲟⲩⲧⲉ ⲛⲓⲁⲕⲱⲃ ⲇⲓⲁⲯⲁⲗⲙⲁ</ab>
9 ⲁⲙⲏⲓⲧⲛ ⲁⲛⲁⲩ ⲉⲛⲉϩⲃⲏⲩⲉ ⲙⲡⲛⲟⲩⲧⲉ ⲛⲉϣⲡⲏⲣⲉ ⲛⲧⲁϥⲁⲁⲩ ϩⲓϫⲙ ⲡⲕⲁϩ</ab>
10 ⲉϥϥⲓ ⲛⲙⲡⲟⲗⲉⲙⲟⲥ ϣⲁ ⲁⲣⲏϫϥ ⲙⲡⲕⲁϩ ϥⲛⲁⲟⲩⲱϣϥ ⲛⲟⲩⲡⲓⲧⲉ ⲁⲩⲱ ⲛϥϩⲟⲣⲃⲥ ⲟⲩϩⲟⲡⲗⲟⲛ ⲙⲛ ⲟⲩⲑⲩⲣⲱⲛ ϥⲛⲁⲣⲟⲕϩⲟⲩ ϩⲛ ⲟⲩⲕⲱϩⲧ</ab>
11 ⲥⲣϥⲉ ⲛⲧⲉⲧⲛⲛⲁⲩ ϫⲉ ⲁⲛⲟⲕ ⲡⲉ ⲡⲛⲟⲩⲧⲉ ϯⲛⲁϫⲓⲥⲉ ϩⲛ ⲛϩⲉⲑⲛⲟⲥ ϯⲛⲁϫⲓⲥⲉ ϩⲙ ⲡⲕⲁϩ</ab>
12 ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲛⲙⲙⲁⲛ ⲡⲉⲛⲣⲉϥϣⲟⲡⲛ ⲉⲣⲟϥ ⲡⲉ ⲡⲛⲟⲩⲧⲉ ⲛⲓⲁⲕⲱⲃ</ab>