1 ⲡⲉⲯⲁⲗⲙⲟⲥ ⲛⲁⲥⲁⲫ ⲁⲡⲛⲟⲩⲧⲉ ⲁϩⲉⲣⲁⲧϥ ϩⲛ ⲧⲥⲩⲛⲁⲅⲱⲅⲏ ⲛⲛⲛⲟⲩⲧⲉ ⲉϥϩⲛ ⲧⲙⲏⲧⲉ ⲇⲉ ϥⲛⲁϫⲛⲉ ⲛⲛⲟⲩⲧⲉ</ab>
2 ϫⲉ ϣⲁ ⲧⲛⲁⲩ ⲧⲉⲧⲛⲕⲣⲓⲛⲉ ⲙⲡϫⲓⲛϭⲟⲛⲥ ⲧⲉⲧⲛϫⲓ ⲙⲡϩⲟ ⲛⲛⲣⲉϥⲣⲛⲟⲃⲉ ⲇⲓⲁⲯⲁⲗⲙⲁ</ab>
3 ⲕⲣⲓⲛⲉ ⲙⲡⲟⲣⲫⲁⲛⲟⲥ ⲙⲛ ⲡϩⲏⲕⲉ ⲛⲧⲉⲧⲛⲧⲙⲁⲉⲓⲟ ⲙⲡⲉⲧⲑⲃⲃⲓⲏⲩ ⲙⲛ ⲡⲉⲃⲓⲏⲛ</ab>
4 ⲙⲁⲧⲟⲩϫⲉⲡⲉⲃⲓⲏⲛ ⲙⲛ ⲡϩⲏⲕⲉ ⲛⲁϩⲙⲉϥ ⲉⲧϭⲓϫ ⲛⲛⲣⲉϥⲣⲛⲟⲃⲉ</ab>
5 ⲙⲡⲟⲩⲉⲓⲙⲉ ⲙⲡⲟⲩϭⲙⲡⲉⲩϩⲏⲧ ⲉⲩⲙⲟⲟϣⲉ ϩⲙ ⲡⲕⲁⲕⲉ ⲥⲉⲛⲁⲕⲓⲙ ⲛϭⲓ ⲛⲥⲛⲧⲉ ⲙⲡⲕⲁϩ</ab>
6 ⲁⲛⲟⲕ ⲁⲓϫⲟⲟⲥ ϫⲉ ⲛⲧⲉⲧⲛ ϩⲉⲛⲛⲟⲩⲧⲉ ⲛⲧⲉⲧⲛ ⲛϣⲏⲣⲉ ⲙⲡⲉⲧϫⲟⲥⲉ ⲧⲏⲣⲧⲛ</ab>
7 ⲉⲓⲥ ϩⲏⲏⲧⲉ ⲧⲉ ⲧⲉⲧⲛⲁⲙⲟⲩ ⲛⲑⲉ ⲛⲛⲣⲱⲙⲉ ⲁⲩⲱ ⲧⲉⲧⲛⲁϩⲉ ⲛⲑⲉ ⲛⲟⲩⲁ ⲛⲛⲁⲣⲭⲱⲛ</ab>
8 ⲧⲱⲟⲩⲛⲅ ⲡⲛⲟⲩⲧⲉ ⲛⲅⲕⲣⲓⲛⲉ ⲙⲡⲕⲁϩ ϫⲉ ⲛⲧⲟⲕ ⲡⲉⲧⲛⲁϥⲱⲧⲉ ⲉⲃⲟⲗ ⲛⲛϩⲉⲑⲛⲟⲥ ⲧⲏⲣⲟⲩ</ab>
Read Sahidic Coptic with narration, notes, and lessons in the Eterniseed app.