1 ⲉⲓⲥ ϩⲏⲏⲧⲉ ϥⲛⲏⲩ ⲛϭⲓ ⲟⲩϩⲟⲟⲩ ⲛⲧⲉ ⲡϫⲟⲉⲓⲥ ⲁⲩⲱ ⲥⲉⲛⲁⲡⲱϣ ⲛⲛϣⲱⲗ ϩⲣⲁⲓ ⲛϩⲏⲧⲉ</ab>
2 ⲁⲩⲱ ϯⲛⲁⲥⲱⲟⲩϩ ⲉϩⲟⲩⲛ ⲛⲛϩⲉⲑⲛⲟⲥ ⲧⲏⲣⲟⲩ ⲉⲑⲓⲉⲗⲏⲙ ⲉⲩⲡⲟⲗⲉⲙⲟⲥ ⲛⲥⲉϫⲓ ⲧⲡⲟⲗⲓⲥ ⲛⲥⲉϣⲱⲗ ⲛⲛⲏⲓ ⲁⲩⲱ ⲛⲉϩⲓⲟⲙⲉ ⲥⲉⲛⲁϫⲁϩⲙⲟⲩ ⲛⲧⲉ ⲧⲡⲁϣⲉ ⲙⲡⲗⲁⲟⲥ ⲛⲧⲡⲟⲗⲓⲥ ⲉⲓ ⲉⲃⲟⲗ ϩⲛ ⲟⲩⲁⲓⲭⲙⲁⲗⲱⲥⲓⲁ ⲛⲕⲟⲟⲩⲉ ⲇⲉ ⲙⲡⲗⲁⲟⲥ ⲛⲥⲉⲧⲙⲧⲁⲕⲟⲟⲩ ⲉⲃⲟⲗϩⲛ ⲧⲡⲟⲗⲓⲥ</ab>
3 ⲁⲩⲱ ⲡϫⲟⲉⲓⲥ ϥⲛⲁⲉⲓ ⲉⲃⲟⲗ ⲛϥⲙⲓϣⲉ ⲙⲛ ⲛϩⲉⲑⲛⲟⲥ ⲉⲧⲙⲙⲁⲩ ⲕⲁⲧⲁ ⲛⲉϩⲟⲟⲩ ⲙⲡⲉϥⲙⲓϣⲉ ϩⲙ ⲡⲉϩⲟⲟⲩ ⲙⲡⲡⲟⲗⲉⲙⲟⲥ</ab>
4 ⲁⲩⲱ ⲛϥⲟⲩⲉⲣⲏⲧⲉ ⲥⲉⲛⲁⲁϩⲉⲣⲁⲧⲟⲩ ϩⲓϫⲙ ⲡⲧⲟⲟⲩ ⲛⲉⲛϫⲟⲉⲓⲧ ⲡⲉⲧⲉⲙⲡⲙⲧⲟ ⲉⲃⲟⲗ ⲛⲑⲓⲉⲗⲏⲙ ϩⲛ ⲙⲙⲁ ⲛϣⲁ</ab>
5 ⲁⲩⲱ ϥⲛⲁⲉⲓ ⲛϭⲓ ⲡϫⲟⲉⲓⲥ ⲡⲁⲛⲟⲩⲧⲉ ⲙⲛ ⲛⲉⲧⲟⲩⲁⲁⲃ ⲧⲏⲣⲟⲩ ⲛⲙⲙⲁϥ</ab>
6 ⲁⲩⲱ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲙⲛ ⲟⲩⲟⲉⲓⲛ ⲛⲁϣⲱⲡⲉ ⲁⲩⲱ ⲟⲩⲛ ϩⲛⲱϭⲃ ⲙⲛ ⲟⲩϫⲁϥ ⲛⲁϣⲱⲡⲉ ϩⲛ ⲟⲩϩⲟⲟⲩ ⲛⲟⲩⲱⲧ</ab>
7 ⲁⲩⲱ ⲉϥⲟⲩⲱⲛϩ ⲉⲃⲟⲗ ⲉⲡϫⲟⲉⲓⲥ ⲛϭⲓ ⲡⲉϩⲟⲟⲩ ⲉⲧⲙⲙⲁⲩ ⲟⲩϩⲟⲟⲩ ⲇⲉ ⲁⲛ ⲡⲉ ⲟⲩⲇⲉ ⲛⲟⲩⲟⲩϣⲏ ⲁⲛ ⲡⲉ ⲁⲩⲱ ϩⲙ ⲡⲛⲁⲩ ⲛⲣⲟⲩϩⲉ ϥⲛⲁϣⲁ ⲛϭⲓ ⲟⲩⲟⲉⲓⲛ</ab>
8 ⲁⲩⲱ ϩⲙ ⲡⲉϩⲟⲟⲩ ⲉⲧⲙⲙⲁⲩ ϥⲣⲛⲁⲉⲓ ⲉⲃⲟⲗϩⲛ ⲑ ⲛϭⲓ ⲟⲩⲟⲉⲓⲛ ⲉϥⲟⲛϩ ⲧⲉϥⲡⲁϣⲉ ⲉⲑⲁⲗⲁⲥⲥⲁ ⲛϣⲟⲣⲡ ⲁⲩⲱ ⲧⲉϥⲕⲉⲡⲁϣⲉ ⲉⲑⲁⲗⲁⲥⲥⲁ ⲛϩⲁⲏ ⲁⲩⲱ ϩⲙ ⲡϣⲱⲙ ⲙⲛ ⲡⲉⲁⲣ ⲧⲁⲓ ⲧⲉ ⲑⲉ ⲉⲧⲉϥⲛⲁϣⲱⲡⲉ</ab>
9 ⲁⲩⲱ ⲡϫⲟⲉⲓⲥ ⲛⲁⲣⲣⲣⲟ</ab>
10 ⲉϫⲙ ⲡⲕⲁϩ ⲧⲏⲣϥ ⲙⲛ ⲧⲉⲣⲏⲙⲟⲥ ϫⲓⲛ ⲅⲁⲃⲉⲗ ϣⲁϩⲣⲁⲓ ⲉϩⲣⲙⲱⲛ ⲡⲣⲏⲥ ⲛⲑ ⲣⲏⲙⲙⲁ ⲇⲉ ⲛⲁϣⲱⲡⲉ ϩⲙ ⲡⲉⲥⲙⲁ ⲛⲟⲩⲱϩ ϫⲓⲛ ⲧⲡⲩⲗⲏ ⲛⲃⲉⲛⲓⲁⲙⲓⲛ ϣⲁϩⲣⲁⲓ ⲉⲧϣⲟⲣⲡⲉ ⲙⲡⲩⲗⲏ ⲙⲛ ⲧⲡⲩⲗⲏ ⲛⲕⲱⲛⲓⲁ ⲙⲛ ⲡⲡⲩⲣⲅⲟⲥ ⲛⲁⲙⲉⲏⲗ ϣⲁϩⲣⲁⲓ ⲉⲛⲉϩⲣⲱⲧ ⲙⲡⲣⲣⲟ</ab>
11 ⲁⲩⲱ ⲥⲉⲛⲁⲟⲩⲱϩ ⲛϩⲏⲧⲥ ⲛⲥⲉⲧⲙϣⲱⲡⲉ ⲛⲁⲛⲁⲑⲉⲙⲁ ϫⲓⲛ ⲧⲉⲛⲟⲩ ⲁⲩⲱ ⲛⲑ ⲛⲁϭⲱⲣϭ ⲉⲥⲧⲏⲕ ⲛϩⲏⲧ …</ab>