1 Возведох очи мои в горы, отнюдуже приидет помощь моя.
2 Помощь моя от Господа, сотворшаго небо и землю.
3 Не даждь во смятение ноги твоея, ниже воздремлет храняй тя:
4 се, не воздремлет, ниже уснет храняй Израиля.
5 Господь сохранит тя, Господь покров твой на руку десную твою.
6 Во дни солнце не ожжет тебе, ниже луна нощию.
7 Господь сохранит тя от всякаго зла, сохранит душу твою Господь:
8 Господь сохранит вхождение твое и исхождение твое, отныне и до века.
Read Elizabeth Bible with narration, notes, and lessons in the Eterniseed app.