Псалтирь 147

1 Похвали, Иерусалиме, Господа, хвали Бога твоего, Сионе:

2 яко укрепи вереи врат твоих, благослови сыны твоя в тебе.

3 Полагаяй пределы твоя мир, и тука пшенична насыщаяй тя:

4 посылаяй слово Свое земли, до скорости течет слово Его,

5 дающаго снег свой яко волну, мглу яко пепел посыпающаго,

6 метающаго голоть Свой яко хлебы: противу лица мраза Его кто постоит?

7 Послет слово Свое, и истает я: дхнет дух Его, и потекут воды.

8 Возвещаяй слово Свое Иакову, оправдания и судбы Своя Израилеви:

9 не сотвори тако всякому языку, и судбы Своя не яви им.