1 Na Bildad el topuk ac fahk,
2 “God El arulana ku; lela mwet nukewa in sangeng sel ac akfulatyal. El oru tuh tokosrai lal inkusrao in misla.
3 Ya oasr mwet ku in oakla pisen lipufan su kulansap nu sel? Ya oasr acn ma kalem lal ah tia tolak?
4 Ya oasr mwet ku in arulana suwoswos ac mutal ye mutun God?
5 Yurin God, malem uh tiana saromrom, Ac itu uh tia pac nasnas.
6 Fin ouinge, na faska mwet uh, Su oana ulac ku lawani uh ye mutal!”
Read BIBLE MUTAL with narration, notes, and lessons in the Eterniseed app.