1 ⲁⲥϣⲱⲡⲉ ⲇⲉ ⲛⲧⲉⲣⲉⲥⲁⲟⲩⲗ ⲙⲟⲩ ⲇⲁⲩⲉⲓⲇ ⲁϥⲕⲟⲧϥ ⲉϩⲓⲟⲩⲉ ⲛⲥⲁ ⲡⲁⲙⲁⲗⲏⲕ ⲁⲩⲱ ⲇⲁⲩⲉⲓⲇ ⲁϥϩⲙⲟⲟⲥ ϩⲛ ⲥⲉⲕⲉⲗⲁⲕ ⲛϩⲟⲟⲩ ⲥⲛⲁⲩ</ab>
2 ϩⲙ ⲡⲙⲉϩϣⲟⲙⲛⲧ ⲇⲉ ⲛϩⲟⲟⲩ ⲉⲓⲥ ⲟⲩⲣⲱⲙⲉ ⲁϥⲉⲓ ⲉⲃⲟⲗ ϩⲛ ⲧⲡⲁⲣⲉⲙⲃⲟⲗⲏ ⲏ ⲉⲃⲟⲗ ϩⲙ ⲡⲗⲁⲟⲥ ⲛⲥⲁⲟⲩⲗ ⲉⲣⲉⲛⲉϥϩⲟⲉⲓⲧⲉ ⲡⲏϩ ϩⲓⲱⲱϥ ⲁⲩⲱ ⲉⲣⲉⲧⲉϥⲁⲡⲉ ⲙⲉϩ ⲛⲓⲧⲛ ⲛⲧⲉⲣⲉϥⲡⲱⲧ ⲇⲉ ⲉϩⲟⲩⲛ ϣⲁ ⲁϥⲡⲁϩⲧϥ ⲁϥⲟⲩⲱϣⲧ ⲛⲁϥ ⲉϫⲙ ⲡⲕⲁϩ</ab>
3 ⲡⲉϫⲉⲇⲁⲩⲉⲓⲇ ⲛⲁϥ ϫⲉ ⲛⲧⲁⲕⲉⲓ ⲛⲧⲱⲛ ⲡⲉϫⲁϥ ⲛⲁϥ ϫⲉ ⲛⲧⲁⲓⲣⲃⲟⲗ ⲁⲛⲟⲕ ϩⲛ ⲧⲡⲁⲣⲉⲙⲃⲟⲗⲏ ⲙⲡ</ab>
4 ⲡⲉϫⲉⲇⲁⲩⲉⲓⲇ ⲛⲁϥ ϫⲉ ⲟⲩ ⲡⲉ ⲡⲉⲓϣⲁϫⲉ ⲁϫⲓϥ ⲉⲣⲟⲓ ⲡⲉϫⲁϥ ⲛⲁϥ ϫⲉ ⲡⲗⲁⲟⲥ ⲁϥϭⲱⲧⲡ ϩⲙ ⲡⲡⲟⲗⲉⲙⲟⲥ ⲁⲩⲱ ⲁⲩⲙⲏⲏϣⲉ ϩⲉ ⲉⲃⲟⲗ ϩⲙ ⲡⲗⲁⲟⲥ ⲁⲩⲙⲟⲩ ⲡⲕⲉⲥⲁⲟⲩⲗ ⲁⲩⲱ ⲓⲱⲛⲁⲑⲁⲛ ⲁⲩⲱ ⲛⲉϥϣⲏⲣⲉ ⲁⲩⲙⲟⲩ</ab>
5 ⲡⲉϫⲉⲇⲁⲩⲉⲓⲇ ⲉϩⲟⲩⲛ ϩⲙ ⲡϣⲏⲣⲉ ϣⲏⲙ ⲡⲉⲧⲧⲁⲩⲟ ⲉⲣⲟϥ ⲛⲛⲉⲓϣⲁϫⲉ ϫⲉ ⲉⲕⲥⲟⲟⲩⲛ ⲛⲁϣ ⲛϩⲉ ϫⲉ ⲁⲥⲁⲟⲩⲗ ⲙⲟⲩ ⲙⲛ ⲓⲱⲛⲁⲑⲁⲛ ⲡⲉϥϣⲏⲣⲉ</ab>
6 ⲡⲉϫⲉⲡϣⲏⲣⲉ ϣⲏⲙ ⲛⲇⲁⲩⲉⲓⲇ ϫⲉ ϩⲛ ⲟⲩϩⲉ ⲁⲩϩⲉ ϩⲙ ⲡⲧⲟⲟⲩ ⲛⲅⲉⲗⲃⲟⲩⲉ ⲁⲩⲱ ⲉⲓⲥ ⲥⲁⲟⲩⲗ ⲛⲉϥⲧⲁϫⲣⲏⲩ ⲉϫⲛ ⲧⲉϥⲗⲟⲅⲭⲏ ⲉⲓⲥ ⲛϩⲁⲣⲙⲁ ⲇⲉ ⲙⲛ ⲛⲉⲧϩⲓϫⲛ ⲛⲉϩⲧⲱⲱⲣ ⲁⲩⲧⲁϩⲟϥ</ab>
7 ⲁϥⲕⲧⲟϥ ⲉⲡⲁϩⲟⲩ ⲙⲙⲟϥ ⲁϥⲛⲁⲩ ⲉⲣⲟⲓ ⲁϥⲙⲟⲩⲧⲉ ⲉⲣⲟⲓ ⲡⲉϫⲁⲓ ⲛⲁϥ ϫⲉ ⲉⲓⲥ ϩⲏⲏⲧⲉ ϯⲙⲡⲉⲓⲙⲁ</ab>
8 ⲡⲉϫⲁϥ ⲛⲁⲓ ϫⲉ ⲛⲧⲕ ⲛⲓⲙ ⲛⲧⲟⲕ ⲡⲉϫⲁⲓ ⲛⲁϥ ϫⲉ ⲁⲛⲅ ⲟⲩϩⲙϩⲁⲗ ⲛϩⲁⲙⲁⲗⲏⲕⲓⲧⲏⲥ ⲁⲛⲟⲕ</ab>
9 ⲡⲉϫⲁϥ ⲛⲁⲓ ϫⲉ ⲁϩⲉⲣⲁⲧⲕ ϩⲓϫⲱⲓ ⲛⲅⲙⲟⲟⲩⲧ ϫⲉ ⲁⲩⲛⲟϭ ⲛⲕⲁⲕⲉ ϩⲱⲃⲥ ⲉⲃⲟⲗ ϩⲓϫⲱⲓ ϫⲉ ⲧⲁⲯⲩⲭⲏ ⲧⲏⲣⲥ ⲛϩⲏⲧ ⲁⲛ</ab>
10 ⲁⲓⲁϩⲉⲣⲁⲧ ϩⲓϫⲱϥ ⲁⲓⲙⲟⲟⲩⲧϥ ϫⲉ ⲛⲉⲓⲥⲟⲟⲩⲛ ϫⲉ ⲛϥⲛⲁⲱⲛϩ ⲁⲛ ⲙⲛⲛⲥⲁ ⲉⲧⲣⲉϥϩⲉ ⲁⲩⲱ ⲁⲓϥⲓ ⲛⲧⲉϭⲣⲏⲡⲉ ⲉⲧϩⲓϫⲛⲧⲉϥⲁⲡⲉ ⲁⲩⲱ ⲡⲉⲕⲗⲁⲗ ⲉⲧⲉⲛϩⲟⲩⲛ ⲉⲡⲉϥϭⲃⲟⲓ ⲁⲓⲉⲛⲧⲟⲩ ⲉⲡⲉⲓⲙⲁ ⲉⲣⲁⲧϥ ⲙⲡⲁϫⲟⲉⲓⲥ</ab>
11 ⲇⲁⲩⲉⲓⲇ ⲇⲉ ⲁϥϯⲧⲟⲟⲧϥ ⲉⲛⲉϥϩⲟⲉⲓⲧⲉ ⲁϥⲡⲁϩⲟⲩ ⲁⲩⲱ ⲛⲕⲉⲣⲱⲙⲉ ⲧⲏⲣⲟⲩ ⲉⲧⲛⲙⲙⲁϥ ⲁⲩⲡⲉϩⲛⲉⲩϩⲟⲉⲓⲧⲉ</ab>
12 ⲁⲩⲱ ⲁⲩⲧⲟⲉⲓⲧ ⲁⲩⲛⲏⲥⲧⲉⲩⲉ ϣⲁ ⲡⲛⲁⲩ ⲛⲣⲟⲩϩⲉ ⲉϫⲛ ⲥⲁⲟⲩⲗ ⲁⲩⲱ ⲉϫⲛ ⲓⲱⲛⲁⲑⲁⲛ ⲡⲉϥϣⲏⲣⲉ ⲁⲩⲱ ⲉϫⲙ ⲡⲗⲁⲟⲥ ⲛⲓⲟⲩⲇⲁ ⲁⲩⲱ ⲉϫⲙ ⲡⲗⲁⲟⲥ ⲙⲡ ⲉⲃⲟⲗ ϫⲉ ⲁⲩⲡⲏⲩⲅⲏ ϩⲛ ⲟⲩⲥⲏϥⲉ</ab>
13 ⲡⲉϫⲉ ⲉϩⲟⲩⲛ ϩⲙ ⲡϣⲏⲣⲉ ϣⲏⲙ ⲡⲉⲧⲧⲁⲩⲟ ⲉⲣⲟϥ ⲛⲛⲉⲓϣⲁϫⲉ ϫⲉ ⲛⲧⲕ ⲟⲩⲉ ⲉⲃⲟⲗ ⲧⲱⲛ ⲛⲧⲟⲕ ⲡⲉϫⲁϥ ϫⲉ ⲁⲛⲅ ⲡϣⲏⲣⲉ ⲛⲟⲩⲣⲱⲙⲉ ⲛⲣⲙⲛϭⲟⲉⲓⲗⲉ ⲛϩⲁⲙⲁⲗⲏⲕⲓⲧⲏⲥ</ab>
14 ⲡⲉϫⲉ ⲛⲁϥ ϫⲉ ⲙⲡⲉⲕⲣϩⲟⲧⲉ ⲛⲧⲟⲕ ⲉⲉⲛⲧⲟⲟⲧⲕ ⲉϫⲙ ⲡⲉ ⲙⲡϫⲟⲉⲓⲥ</ab>
15 ⲁⲩⲱ ⲇⲁⲩⲉⲓⲇ ⲁϥⲙⲟⲩⲧⲉ ⲉⲟⲩⲁ ⲛⲛⲉϥϩⲙϩⲁⲗ ⲉϥϫⲱ ⲙⲙⲟⲥ ⲛⲁϥ ϫⲉ ϯ ⲙⲡⲉⲕⲟⲩⲟⲓ ⲉϩⲟⲩⲛ ⲉⲣⲟϥ ⲛⲅⲣⲁϩⲧϥ ⲛⲅⲧⲁⲩⲟϥ ⲁⲩⲱ ⲁϥⲡⲁⲧⲁⲥⲥⲉ ⲙⲙⲟϥ ⲁϥⲙⲟⲟⲩⲧϥ</ab>
16 ⲡⲉϫⲉⲇⲁⲩⲉⲓⲇ ⲉϩⲟⲩⲛ ⲉϩⲣⲁϥ ϫⲉ ⲡⲉⲕⲥⲛⲟϥ ϩⲓϫⲛ ⲧⲉⲕⲁⲡⲉ ⲉⲃⲟⲗ ϫⲉ ⲧⲉⲕⲧⲁⲡⲣⲟ ⲧⲉ ⲛⲧⲁⲥⲣⲙⲛⲧⲣⲉ ϩⲁⲣⲟⲕ ⲉⲕϫⲱ ⲙⲙⲟⲥ ϫⲉ ⲁⲛⲟⲕ ⲡⲉ ⲛⲧⲁⲓⲙⲟⲩⲟⲩⲧ ⲙⲡⲉⲭⲣⲓⲥⲧⲟⲥ ⲙⲡϫⲟⲉⲓⲥ</ab>
17 ⲁⲩⲱ ⲇⲁⲩⲉⲓⲇ ⲁϥⲧⲟⲉⲓⲧ ⲙⲡⲉⲓⲧⲟⲉⲓⲧ ⲉϫⲛ ⲥⲁⲟⲩⲗ ⲁⲩⲱ ⲉϫⲛ ⲓⲱⲛⲁⲑⲁⲛ ⲡⲉϥϣⲏⲣⲉ</ab>
18 ⲁϥϫⲟⲟⲥ ⲉⲧⲥⲁⲃⲉⲛϣⲏⲣⲉ ⲛⲓⲟⲩⲇⲁ ⲉⲡⲉⲓⲧⲟⲉⲓⲧ ⲉⲓⲥ ϩⲏⲏⲧⲉ ϥⲥⲏϩ ⲉⲡϫⲱⲱⲙⲉ ⲙⲡⲉⲧⲥⲟⲩⲧⲱⲛ ⲏ ⲛⲧⲙⲉ ⲉϥϫⲱ ⲙⲙⲟⲥ</ab>
19 ϫⲉ ⲁϩⲉⲣⲁⲧⲕ ⲡ ⲉϫⲛ ⲛⲉⲛⲧⲁⲩⲙⲟⲩ ⲉϫⲛ ⲛⲉⲧⲱⲉⲓ ⲛⲧⲟⲟⲧⲕ ⲛⲧⲁⲩⲣⲁϩⲧⲟⲩ ⲟⲩ ⲧⲉ ⲑⲉ ⲛⲧⲁ ⲛⲉⲇⲩⲛⲁⲧⲟⲥ ϩⲉ</ab>
20 ⲙⲡⲉⲣⲧⲁⲩⲉⲡⲁⲓ ϩⲛ ⲅⲉⲑ ⲁⲩⲱ ⲙⲡⲉⲣⲧⲁϣⲉⲟⲉⲓϣ ⲙⲡⲁⲓ ϩⲓ ⲛⲉϩⲓⲟⲟⲩⲉ ⲛⲁⲥⲕⲁⲗⲱⲛ ⲙⲡⲉⲣⲧⲣⲉⲩⲟⲩⲛⲟϥ ⲉϫⲙ ⲡⲁⲓ ⲛϭⲓ ⲛϣⲉⲉⲣⲉ ⲛⲛⲁⲗⲗⲟⲫⲩⲗⲟⲥ ⲁⲩⲱ ⲙⲏⲡⲟⲧⲉ ⲛⲥⲉⲧⲉⲗⲏⲗ ⲛϭⲓ ⲛϣⲉⲉⲣⲉ ⲛⲛⲉⲓⲁⲧⲥⲃⲃⲉ</ab>
21 ⲛⲧⲟⲩⲉⲓⲏ ⲉⲧϩⲛⲅⲉⲗⲃⲟⲩⲉ ⲙⲡⲉⲣⲧⲣⲉϯⲱⲧⲉ ⲉⲓ ⲉϫⲱⲟⲩ ⲁⲩⲱ ⲛⲛⲉϩⲟⲩⲙⲡⲉ ⲉⲓ ⲉϫⲛⲧⲏⲩⲧⲛ ⲁⲩⲱ ⲉϫⲛ ⲛⲉⲥⲱϣⲉ ⲉⲧⲥⲟⲧⲡ ϫⲉ ⲛⲧⲁⲩϩⲉ ⲉⲃⲟⲗ ϩⲙ ⲡⲙⲁ ⲉⲧⲙⲙⲁⲩ ⲛϭⲓ ⲛⲑⲩⲣⲱⲛ ⲛⲛϫⲱⲱⲣⲉ ⲡⲉⲑⲩⲣⲱⲛ ⲛⲥⲁⲟⲩⲗ ⲙⲡⲟⲩϩⲓⲧϥ ⲛⲟⲩⲛⲉϩ</ab>
22 ⲉⲃⲟⲗ ϩⲙ ⲡⲉⲥⲛⲟϥ ⲛⲛⲉⲛⲧⲁⲩϣⲟⲟϭⲟⲩ ⲉⲃⲟⲗ ϩⲙ ⲡⲱⲧ ⲛⲛⲉⲇⲩⲛⲁⲧⲟⲥ ⲧⲡⲓⲧⲉ ⲛⲓⲱⲛⲁⲑⲁⲛ ⲙⲡⲉⲥⲕⲟⲧⲥ ⲉⲡⲁϩⲟⲩ ⲉⲥϣⲟⲩⲉⲓⲧ ⲁⲩⲱ ⲧⲡⲓⲧⲉ ⲛⲥⲁⲟⲩⲗ ⲙⲡⲉⲥⲕⲟⲧⲥ ⲉⲡⲁϩⲟⲩ ⲉⲥϣⲟⲩⲉⲓⲧ</ab>
23 ⲥⲁⲟⲩⲗ ⲙⲛ ⲓⲱⲛⲁⲑⲁⲛ ⲙⲙⲉⲣⲁⲧⲉ ⲁⲩⲱ ⲉⲛⲉⲥⲱⲟⲩ ⲙⲡⲟⲩⲱⲣϫ ⲉⲃⲟⲗ ⲛⲛⲉⲩⲉⲣⲏⲩ ⲉⲛⲉⲥⲱⲟⲩ ⲉⲩⲟⲓ ϩⲙ ⲡⲉⲩⲱⲛϩ ϩⲙ ⲡⲉⲩⲕⲉⲙⲟⲩ ⲟⲛ ⲙⲡⲟⲩⲡⲱⲣϫ ⲉⲃⲟⲗ ⲛⲛⲉⲩⲉⲣⲏⲩ ⲉⲩⲁⲥⲱⲟⲩ ⲉϩⲟⲩⲉ ⲉⲛⲁⲉⲧⲟⲥ ⲉⲁⲩⲧⲁϫⲣⲟ ⲟⲛ ⲉϩⲟⲩⲉ ⲉϩⲛⲙⲟⲩⲓ</ab>
24 ⲛϣⲉⲉⲣⲉ ⲙⲡ ϫⲓⲣⲓⲙⲉ ⲉϫⲛ ⲥⲁⲟⲩⲗ ⲣⲓⲙⲉ ⲉϫⲛ ⲡⲉⲧϯϩⲃⲥⲱ ⲛⲕⲟⲕⲕⲟⲥ ⲉϫⲛⲧⲏⲩⲧⲛ ⲙⲛ ⲡⲉⲧⲛⲕⲟⲥⲙⲟⲥ ⲡⲉⲧϯϩⲛⲓⲉⲡⲛⲟⲩⲃ ⲉϫⲛ ⲛⲉⲧⲛϩⲉⲃⲥⲟⲟⲩⲉ</ab>
25 ⲟⲩ ⲧⲉ ⲑⲉ ⲛⲧⲁⲛⲉⲇⲩⲛⲁⲧⲟⲥ ϩⲉ ϩⲛ ⲧⲙⲏⲧⲉ ⲙⲡⲡⲟⲗⲉⲙⲟⲥ ⲟⲩ ⲧⲉ ⲑⲉ ⲛⲧⲁⲕϩⲉ ⲓⲱⲛⲁⲑⲁⲛ ϩⲙ ⲡⲁϣⲁⲓ ⲛⲛⲉⲛⲧⲁⲕⲣⲁϩⲧⲟⲩ</ab>
26 ϯⲙⲟⲕϩ ⲛϩⲏⲧ ϩⲓϫⲱⲕ ⲡⲁⲥⲟⲛ ⲓⲱⲛⲁⲑⲁⲛ ⲁⲕϣⲱⲡⲉ ⲉⲕⲥⲟⲧⲡ ⲉⲙⲁⲧⲉ ⲛⲧⲟⲟⲧ ⲡⲉⲕⲙⲉ ⲁϥϣⲱⲡⲉ ⲉⲩϣⲡⲏⲣⲉ ⲡⲉ ⲛⲧⲟⲟⲧ ⲉϩⲟⲩⲉ ⲉⲩⲙⲉ ⲛⲥϩⲓⲙⲉ</ab>
27 ⲟⲩ ⲧⲉ ⲑⲉ ⲛⲧⲁⲛⲉⲓϫⲱⲱⲣⲉ ϩⲉ ⲁⲩⲱ ⲁⲩϩⲉ ⲉⲃⲟⲗ ⲛϭⲓ ⲛⲉⲩⲥⲟⲧⲃⲉϥ ⲙⲙⲓϣⲉ</ab>