1 ⲁⲥϣⲱⲡⲉ ⲇⲉ ⲙⲛⲛⲥⲁ ⲛⲁⲓ ⲁϥⲙⲟⲩ ⲛϭⲓ ⲡⲣⲣⲟ ⲛⲛⲉϣⲏⲣⲉ ⲛⲁⲙⲙⲱⲛ ⲁⲩⲱ ⲁϥⲣⲣⲣⲟ ⲛϭⲓ ⲁⲛⲛⲱⲛ ⲡⲉϥϣⲏⲣⲉ ⲉⲡⲉϥⲙⲁ</ab>
2 ⲡⲉϫⲉ ϫⲉ ϯⲛⲁⲉⲓⲣⲉ ⲛⲟⲩⲛⲁ ⲙⲛ ⲁⲛⲛⲱⲛ ⲡϣⲏⲣⲉ ⲛⲛⲁⲁⲁⲥ ⲕⲁⲧⲁ ⲑⲉ ⲛⲧⲁⲡⲉϥⲉⲓⲱⲧ ⲉⲓⲣⲉ ⲛⲙⲙⲁⲓ ⲛⲟⲩⲛⲁ ⲁⲩⲱ ⲁϥϫⲟⲟⲩ ⲛϭⲓ ⲇⲁⲩⲉⲓⲇ ⲉⲥⲗⲥⲱⲗϥ ⲉⲃⲟⲗ ϩⲓⲧⲟⲟⲧⲟⲩ ⲛⲛⲉϥϩⲙϩⲁⲗ ⲉϫⲙ ⲡⲉϥⲉⲓⲱⲧ ⲁⲩⲉⲓ ⲇⲉ ⲛϭⲓ ⲛϩⲙϩⲁⲗ ⲛⲇⲁⲩⲉⲓⲇ ⲉϩⲣⲁⲓ ⲉⲡⲕⲁϩ ⲛⲁⲙⲙⲱⲛ</ab>
3 ⲁⲩⲱ ⲛⲉⲁⲣⲭⲱⲛ ⲛⲛⲉϣⲏⲣⲉ ⲛⲁⲙⲙⲱⲛ ⲡⲉϫⲁⲩ ⲉϩⲟⲩⲛ ϩⲛ ⲁⲛⲛⲱⲛ ⲡⲉⲩϫⲟⲉⲓⲥ ϫⲉ ⲙⲏ ⲉⲃⲟⲗ ϫⲉ ⲉⲣⲉⲇⲁⲩⲉⲓⲇ ⲟⲩⲱϣ ⲉϯⲉⲟⲟⲩ ⲙⲡⲉⲕⲉⲓⲱⲧ ⲙⲡⲉⲕⲙⲧⲟ ⲉⲃⲟⲗ ⲁϥⲧⲛⲛⲟⲟⲩ ⲛⲁⲕ ⲛⲛⲉⲧⲛⲁⲥⲗⲥⲱⲗⲕ ⲁⲗⲗⲁ ⲛⲧⲁϥⲧⲛⲛⲟⲟⲩⲥⲉ ⲛⲧⲟϥ ϫⲉⲕⲁⲥ ⲉⲩⲉⲙⲉϣⲧⲧⲡⲟⲗⲓⲥ ⲛⲥⲉϯϩⲧⲏⲩ ⲉⲣⲟⲥ ⲛⲧⲟϥ ϫⲉⲕⲁⲥ ⲉⲩⲉⲙⲉϣⲧⲧⲡⲟⲗⲓⲥ ⲛⲥⲉϯϩⲧⲏⲩ ⲉⲣⲟⲥ ⲇⲉ ⲁϥⲧⲛⲛⲟⲟⲩ ⲛⲛⲉϥϩⲙϩⲁⲗ ϣⲁⲣⲟⲕ ⲉϫⲓϫⲛⲓⲧ ⲛⲧⲡⲟⲗⲓⲥ ⲉϯϩⲧⲏⲩ ⲉⲣⲟⲥ</ab>
4 ⲁⲩⲱ ⲁⲛⲛⲱⲛ ⲁϥϫⲓ ⲛⲛⲉϩⲙϩⲁⲗ ⲛ ⲁϥϩⲉⲕⲉⲛⲉⲩⲙⲟⲣⲧ ⲁⲩⲱ ⲁϥϣⲉϥⲛⲉⲩϩⲟⲉⲓⲧⲉ ⲉⲧⲉⲩⲡⲁϣⲉ ϣⲁ ⲉϩⲣⲁⲓ ⲉⲛⲉⲩⲓⲥⲭⲓⲱⲛ ⲁϥⲟⲩⲟⲟⲧⲟⲩ ⲉⲃⲟⲗ</ab>
5 ⲁⲩϫⲓⲡⲟⲩⲱ ⲇⲉ ⲛ ⲉⲧⲃⲉ ⲛⲉϥⲣⲱⲙⲉ ⲁⲩⲱ ⲁϥϫⲟⲟⲩ ⲉⲣⲁⲧⲟⲩ ⲉⲃⲟⲗ ϫⲉ ⲛⲣⲱⲙⲉ ⲁⲩⲥⲟϣⲟⲩ ⲉⲙⲁⲧⲉ ⲉⲣⲉⲡⲣⲣⲟ ϫⲱ ⲙⲙⲟⲥ ⲉⲣⲟⲟⲩ ϫⲉ ϩⲙⲟⲟⲥ ⲛⲏⲧⲛ ϩⲛ ϩⲓⲉⲣⲓⲭⲱ ϣⲁⲛⲧⲉⲛⲉⲧⲛⲙⲟⲣⲧ ⲣⲱⲧ ⲛⲧⲉⲧⲛⲕⲉⲧⲧⲏⲩⲧⲛ ϣⲁⲣⲟⲓ</ab>
6 ⲁⲩⲱ ⲛⲧⲉⲣⲟⲩⲛⲁⲩ ⲛϭⲓ ⲛⲉϣⲏⲣⲉ ⲛⲁⲙⲙⲱⲛ ϫⲉ ⲁⲩϫⲓϣⲓⲡⲉ ⲛϭⲓ ⲛⲁⲡⲗⲁⲟⲥ ⲛⲇⲁⲩⲉⲓⲇ ⲁⲩϫⲟⲟⲩ ⲛϭⲓ ⲛϣⲏⲣⲉ ⲛⲁⲙⲙⲱⲛ ⲁⲩⲙⲓⲥⲑⲟⲩ ⲛⲧⲥⲩⲣⲓⲁ ⲙⲛ ϩⲣⲱⲟⲃ ⲉⲩⲛⲁⲣⲧⲃⲁ ⲥⲛⲁⲩ ⲛⲣⲙⲣⲁⲧⲟⲩ ⲁⲩⲱ ⲡⲣⲣⲟ ⲙⲡⲁⲙⲁⲗⲏⲕ ⲉⲩⲛⲁⲣⲙⲛⲧⲏ ⲛϣⲉ ⲛⲣⲱⲙⲉ ⲁⲩⲱ ⲛⲁⲉⲓⲥⲧⲱϥ ⲉⲩⲛⲁⲣⲙⲛⲧⲥⲛⲟⲟⲩⲥ ⲛϣⲉ ⲛⲣⲱⲙⲉ</ab>
7 ⲇⲁⲩⲉⲓⲇ ⲇⲉ ⲁϥϫⲟⲟⲩ ⲛⲓⲱⲁⲃ ⲛⲧⲉⲣⲉϥⲥⲱⲧⲙ ⲙⲛ ⲡⲉϥⲙⲏⲏϣⲉ ⲧⲏⲣϥ ⲛⲇⲩⲛⲁⲧⲟⲥ ⲧⲏⲣⲟⲩ</ab>
8 ⲁⲩⲉⲓ ⲇⲉ ⲉⲃⲟⲗ ⲛϭⲓ ⲛⲉϣⲏⲣⲉ ⲛⲁⲙⲙⲱⲛ ⲁⲩⲥⲉⲣⲙⲗⲁϩ ⲉⲃⲟⲗ ⲉⲡⲡⲟⲗⲉⲙⲟⲥ ϩⲁⲧⲛ ⲡⲣⲟ ⲛⲧⲡⲩⲗⲏ ⲛⲧⲥⲩⲣⲓⲁ ⲛⲥⲟⲩⲃⲁ ⲙⲛ ϩⲣⲱⲟⲃ ⲙⲛ ⲓⲥⲧⲱⲃ ⲛⲁⲙⲁⲗⲏⲕ ⲇⲉ ⲙⲁⲩⲁⲁⲩ ⲛⲉⲩϩⲛⲧⲥⲱϣⲉ</ab>
9 ⲛⲧⲉⲣⲉϥⲛⲁⲩ ⲇⲉ ⲛϭⲓ ⲓⲱⲁⲃ ϫⲉ ⲁⲩⲁϩⲉⲣⲁⲧⲟⲩ ⲉⲣⲟϥ ⲛϩⲟ ϩⲓ ϩⲟ ⲉⲡⲟⲗⲉⲙⲉⲓ ⲛⲙⲙⲁϥ ⲉⲡⲥⲁ ⲡⲥⲁ ⲁϥⲥⲱⲡⲧ ⲉⲃⲟⲗ ϩⲛ ⲛⲉϩⲉⲣϣⲓⲣⲉ ⲧⲏⲣⲟⲩ ⲙⲡ ⲁⲩⲁϩⲉⲣⲁⲧⲟⲩ ⲟⲩⲃⲉ ⲧⲥⲩⲣⲓⲁ</ab>
10 ⲡⲕⲉⲥⲉⲉⲡⲉ ⲇⲉ ⲙⲡⲗⲁⲟⲥ ⲁϥⲧⲁⲁⲩ ⲉϩⲣⲁⲓ ⲉⲧϭⲓϫ ⲙⲡⲉϥⲥⲟⲛ ⲁⲩⲁϩⲉⲣⲁⲧⲟⲩ ϩⲱⲟⲩ ⲟⲩⲃⲉ ⲛϣⲏⲣⲉ ⲛⲁⲙⲙⲱⲛ</ab>
11 ⲉⲣⲉⲓⲱⲁⲃ ϫⲱ ⲙⲙⲟⲥ ⲛⲛⲁⲡⲉϥⲥⲟⲛ ϫⲉ ⲉⲣϣⲁⲛⲧⲥⲩⲣⲓⲁ ϭⲙϭⲟⲙ ⲉϩⲟⲩⲛ ⲉⲣⲟⲓ ⲉⲧⲉⲧⲛⲛⲉϯ ⲛⲧⲟⲟⲧⲧⲏⲩⲧⲛ ⲛⲙⲙⲁⲓ ⲉⲣϣⲁⲛⲛⲉⲣⲱⲙⲉ ⲇⲉ ⲛⲁⲙⲙⲱⲛ ϭⲙϭⲟⲙ ⲉϩⲟⲩⲛ ⲉⲣⲟⲕ ⲁⲛⲟⲛ ϩⲱⲱⲛ ⲧⲛⲛⲁϯ ⲛⲧⲟⲟⲧⲛ ⲛⲙⲙⲁⲕ</ab>
12 ⲧⲱⲕ ⲛⲧⲉⲧⲛϭⲙϭⲟⲙ ⲉⲧⲃⲉ ⲡⲉⲛⲗⲁⲟⲥ ⲁⲩⲱ ⲉⲧⲃⲉ ⲙⲡⲟⲗⲓⲥ ⲙⲡⲉⲛⲛⲟⲩⲧⲉ ⲁⲩⲱ ⲡϫⲟⲉⲓⲥ ϥⲛⲁⲉⲓⲣⲉ ⲙⲡⲁⲅⲁⲑⲟⲛ ⲛⲁϩⲣⲁϥ</ab>
13 ⲓⲱⲁⲃ ⲇⲉ ⲙⲛ ⲡⲗⲁⲟⲥ ⲉⲧⲛⲙⲙⲁϥ ⲁⲩϯ ⲙⲡⲉⲩⲟⲩⲟⲓ ⲉϩⲟⲩⲛ ⲉⲡⲟⲗⲉⲙⲉⲓ ⲙⲛ ⲧⲥⲩⲣⲓⲁ ⲁⲩⲱ ⲁⲩϭⲱⲧⲡ ϩⲁ ⲧⲉϥϩⲏ</ab>
14 ⲛϣⲏⲣⲉ ⲇⲉ ϩⲱⲟⲩ ⲛⲁⲙⲙⲱⲛ ⲛⲧⲉⲣⲟⲩⲛⲁⲩ ϫⲉ ⲁⲧⲥⲩⲣⲓⲁ ϭⲱⲧⲡ ⲁⲩⲗⲟ ϩⲱⲟⲩ ϩⲁ ⲡϩⲟ ⲛⲁⲃⲓⲥⲁ ⲁⲩⲃⲱⲕ ⲉϩⲟⲩⲛ ⲉⲧⲡⲟⲗⲓⲥ ⲓⲱⲁⲃ ϩⲱⲱϥ ⲁϥⲕⲧⲟϥ ⲉⲃⲟⲗ ϩⲛ ⲛⲉϣⲏⲣⲉ ⲛⲁⲙⲙⲱⲛ ⲁϥⲓ ⲉϩⲣⲁⲓ ⲉⲑ</ab>
15 ⲧⲥⲩⲣⲓⲁ ⲇⲉ ⲛⲧⲉⲣⲉⲥⲛⲁⲩ ϫⲉ ⲁⲩϭⲱⲧⲡ ϩⲓⲑⲏ ⲙⲡ ⲁⲩⲥⲱⲟⲩϩ ⲉϩⲟⲩⲛ ⲉⲛⲉⲩⲉⲣⲏⲩ</ab>
16 ⲁⲩⲱ ⲁϥϫⲟⲟⲩ ⲛϭⲓ ⲁⲇⲣⲁⲁⲍⲁⲣ ⲁϥⲥⲱⲟⲩϩ ⲉϩⲟⲩⲛ ⲛⲧⲥⲩⲣⲓⲁ ⲛⲉⲧϩⲓⲡⲉⲕⲣⲟ ⲙⲡⲓⲟⲣⲇⲁⲛⲏⲥ ⲭⲁⲗⲁⲙⲁⲕ ⲁⲩⲱ ⲁⲩⲉⲓ ⲉⲑⲁⲓⲗⲁⲙ ⲥⲱⲃⲁⲕ ⲇⲉ ⲡⲁⲣⲭⲱⲛ ⲛⲧϭⲟⲙ ⲛⲁⲇⲣⲁⲁⲍⲁⲣ ⲛⲉϥⲙⲟⲟϣⲉ ϩⲓⲑⲏ ⲙⲙⲟⲟⲩ</ab>
17 ⲁⲩⲧⲁⲙⲉ ⲇⲉ ⲁⲩⲱ ⲁϥⲥⲱⲟⲩϩ ⲉϩⲟⲩⲛ ⲙⲡ ⲧⲏⲣϥ ⲁϥϫⲓⲟⲟⲣ ⲙⲡⲓⲟⲣⲇⲁⲛⲏⲥ ⲁϥⲓ ⲉϩⲣⲁⲓ ⲉⲁⲓⲗⲁⲙ ⲁⲧⲥⲩⲣⲓⲁ ⲁϩⲉⲣⲁⲧⲟⲩ ⲟⲩⲃⲉ ⲇⲁⲩⲉⲓⲇ ⲁⲩⲡⲟⲗⲉⲙⲉⲓ ⲛⲙⲙⲁϥ</ab>
18 ⲁⲩⲱ ⲧⲥⲩⲣⲓⲁ ⲁⲥϭⲱⲧⲡ ϩⲓⲑⲏ ⲛⲇⲁⲩⲉⲓⲇ ⲁⲩⲱ ⲇⲁⲩⲉⲓⲇ ⲁϥⲙⲟⲩⲟⲩⲧ ⲉⲃⲟⲗ ϩⲛ ⲧⲥⲩⲣⲓⲁ ⲛϥⲧⲟⲟⲩ ⲛϣⲉ ⲛϩⲁⲣⲙⲁ ⲁⲩⲱ ϥⲧⲟⲟⲩ ⲛⲧⲃⲁ ⲛϩⲓⲡⲡⲉⲩⲥ ⲁⲩⲱ ⲥⲱⲃⲁⲗ ⲡⲁⲣⲭⲱⲛ ⲛⲧⲉϥϭⲟⲙ ⲁϥⲡⲁⲧⲁⲥⲥⲉ ⲙⲙⲟϥ ⲁϥⲙⲟⲩ ⲙⲡⲙⲁ ⲉⲧⲙⲙⲁⲩ</ab>
19 ⲁⲩⲱ ⲛⲧⲉⲣⲟⲩⲛⲁⲩ ⲛϭⲓ ⲛⲣⲣⲱⲟⲩ ⲧⲏⲣⲟⲩ ⲛⲉⲧⲟ ⲛϩⲙϩⲁⲗ ⲛⲁⲇⲣⲁⲁⲍⲁⲣ ϫⲉ ⲁⲩϭⲱⲧⲡ ϩⲓⲑⲏ ⲙⲡ ⲁⲩⲡⲱⲧ ⲉⲣⲁⲧϥ ⲙⲡ ⲁⲩⲥⲙⲛⲇⲓⲁⲑⲏⲕⲏ ⲛⲙⲙⲁⲩ ⲁⲩⲣϩⲙϩⲁⲗ ⲛⲁⲩ ⲁⲩⲱ ⲛⲁⲧⲥⲩⲣⲓⲁ ⲁⲩⲣϩⲟⲧⲉ ⲉⲃⲱⲕ ⲛϫⲓⲛ ⲉⲡⲉⲓⲛⲁⲩ ⲉⲙⲓϣⲉ ⲉϫⲛ ⲛⲉϣⲏⲣⲉ ⲛⲁⲙⲙⲱⲛ</ab>